уругвай 16 күчлүк командиға кирди
русийәдә давамлишиватқан 2018-йиллиқ дунйа лоңқиси A гуруппидики мусабиқисидә русийә командисини 0 гә қарши 3 нәтиҗә мәғлуб қилған уругвай, гуруппида биринчи болуп 16 күчлүк командиға кирди.
түркийә авази радийоси хәвири: уругвай командиси гурупписида биринчи болуп 16 күчлүк командиға кирди. русийә-уругвай мусабиқиси башлинип 10 минут өткәндә, уругвай командиси русийә командисиниң варатасиға бир топ киргүзди. 23 минут өткәндә уругвай маһири лашалтниң сол тәрәптин тәпкән топи русийә маһири черишевға тегип қаңқиди вә варатачини гаңгиратқан һалда варатаға кирди. черишевниң өз варатасиға киргүзгән топи нәтиҗисидә, уругвай командиси 2 нәтиҗә билән үстүнлүкни игилиди.
90-минутта, уругвай маһириниң оң тәрәптики булуңдин тәпкән топни годи варатаға қаритип үсти, русийә командисиниң варатачиси акинфев тосувалди. бирақ қаңқип чиққан топни уругвай маһири канави варатаға тепип киргүзүвәтти.
русийә-уругвай мусабиқисигә қатнашқан түркийә галатасарай путбол кулубиниң әзаси варатачи муслера 100-қетим уругвай командисиниң әзаси сүпитидә мусабиқигә қатнашти. у дунйа лоңқисида 14 қетим мусабиқигә қатнашқанлиқ салаһийити билән, ладиславни арқида қалдуруп, дунйа лоңқиси тарихида әң көп мусабиқигә қатнашқан уругвайлиқ путбол маһири болди.
