newshehir qaymaqli yézisining quruq qaymiqi

türkiye awazi radiyosi: ilker tashqin teripidin teyyarlanghan «türkiyening rayonlargha xas tizimgha élinghan mehsulatliri» namliq sehipimizning bu heptilik sanida, «newshehir qaymaqli yézisining quruq qaymiqi» ni tonushturimiz...

newshehir qaymaqli yézisi quruq qaymiqining tizimgha élinghan waqti: 21.04.2022

****** ********* ******

türkiyening ottura anadolu rayonida tebiiy we tarixi güzellikliri bilen tonulghan newshehirge qarashliq qaymaqli yézisi öz ismini özgiche bir süt mehsulatighimu berdi. qaymaqli yéziliq hökümitining iltimasi bilen 2022-yili «qaymaqli yézisining quruq qaymiqi» türkiyening rayonlargha xas tizimgha élinghan mehsulatliri qatarigha kirgüzüldi.  «qaymaqli yézisining quruq qaymiqi» sériq may terkibide aqsil we yagh miqdari yuqiri,  qurghaq, qattiq bolup, yérim ay sheklide körünidu. kala sütidin yasalghan qaymaqni ishlepchiqriish üchün deslepte yighilghan süt inchike rext bilen süzme qilinidu. andin süt «tandir ewi» (tonur öyi) dep atilidighan we yerge kömülgen tonurlarda pishurulidu. süt qazan bilen bille tonurdin chiqirilip, otning üstige mis texse bilen qoyulidu. texse qizighandin kéyin, qiziq süt inchike rextte süzülüp asta-asta texsige tökülidu. bu usul arqiliq shekillengen köpükler qaymaqning tor sheklide qurushigha yardem qilidu. texminen tonurda alte saet pishurulghan sütte qaymaq hasil bolghanda, mis texsining girweklirige chaplashqan qaymaq pichaq bilen élinidu. texsidin ajritilghanda yérim aylanma sheklige kelgen qaymaq tetür elgektin ötküzülidu. yéngi qaymaqni mis texsidin parchilimastin ajritp élish we buning üchün yasalghan alahide elgektin ötküzüsh ustiliq mahariti telep qilidu. yéngi qaymaqni quyash nuridin yiraq öyde we töwen témpératurada elgek üstide 24 saet saqlap qurutushqa toghra kélidu. elgekning töshüklük bolushi hem üstidin hem astidin hawa élishini shundaqla qaymaqning hemme teripining tekshi we teng birla waqitta qurushini emelge ashuridu. her yili yézida féstiwalimu ötküzüldighan «qaymaqli yézisining quruq qaymiqi» ni tonglatquda 14 kün, yaki soghuqluqta 0 töwen 1 sélsiye gradustin 18 sélsiye gradusqiche bolghan témpératurada bir yil buzmay saqlighili bolidu.