пиробийотик дориларниң шипалиқ роли

(доктор мәһмәт учар)

 пиробийотик дорилар дегән немә?

пиробийотик дорилар дегинимиз: истемал қилинғинида, йаки бәдәнгә окул қилинғинида, тән саламәтлик үчүн, болупму һәзим қилиш системиси үчүн пайдилиқ болған, бәдәндики йахши бактерийәләрни сақлап қелиш вә әслигә кәлтүрүшни мәқсәт қилидиған җанлиқ микро организмларни өз ичигә алған узуқлуқлар вә толуқлимилардур.

пиробийотик дорилар бәдәндики пайдилиқ бактерийәләрдин йасилиду. дәрвәқә, бәдинимиздә һәрдаим пайдилиқ вә зийанлиқ бактерийәләр бардур. йуқумлиниш көрүлгән әһвалларда системиниң тәңпуңлуқини бузидиған зийанлиқ бактерийәләр бәдәндә техиму көп пәйда болушқа башлайду, бу вақитта, пайдилиқ бактерийәләр зийанлиқлирини йоқитип, тәңпуңлуқни сақлашқа капаләтлик қилиду. пиробийотик дориларни окул қилиш бәдәнгә пайдилиқ бактерийәләрни толуқлаш усуллиридин биридур.

пиробийотик дорилар җанлиқ микро организмлар болуп, уни мувапиқ миқдарда истемал қилғанда саламәтликимизгә актип төһпә қошиду. үчәй системимимизни тәңшәш арқилиқ сағлам турмуш кәчүрүшимизгә капаләтлик қилиш, пиробийотик дориларниң асаслиқ пайдилиридин биридур.

бәдинимизниң енергийә ишлитиши вә калорийә миқдарини тәңшәйдиған пиробийотик дорилар оруқлишимизғиму йардәм бериду.

пиробийотик дориларниң шипалиқ роли

пиробийотик дориларниң асаслиқ роли бәдәнниң ролини җари қилдуралиши үчүн «пайдилиқ» вә «зийанлиқ» бактерийәләрни тәңпуңлаштуруштур. қоғдиғучи үчәй тосуқини күчәйтидиған пиробийотик дорилар, һәзим қилиш системисини, иммунитет иқтидарини қоллайду, йаллуғни контрол қилиш арқилиқ бәдән сағламлиқини қоғдайду.

• пиробийотик дорилар бәдәнгә киргән озуқлуқ маддиларниң һәзим болушиға капаләтлик қилиду.

• зийанлиқ бактерийәләрниң көпийишигә тақабил туруп, кесәлликләрниң алдини алиду.

• витаминларниң еришидә үнүми йуқири.

• узуқлуқ арқилиқ бәдәнгә қобул қилинған зийанлиқ бактерийәләрниң қан билән арилишип кетишиниң алдини алиду.

• дориларниң парчилиниши вә сүмүрүлүшигә капаләтлик қилиду.

• бәдәнниң иммунитет инкасиға актип тәсир көрситиду.

әң пайдилиқ тәбиий пиробийотик дорилар

• боза,

• тарһана,

• нан,

• кефир

кефир һәзим қилиш мәсилилирини тәңшәш арқилиқ йуқумлиништин сақлайду.

• капуста шакираби

капуста шакирабиниң тәркибидә пиробийотик дорилар, тала, витамин C вә  витамин K бардур.

• өйдә уйутулған қетиқ

қетиқ пиробийотик дорилар арисидики әң йахши шипа мәнбәсидур. иммунитет системисини күчәйтип, кесәлликләрдин мудапиәлиниш үчүн, һәр күни бир қача өйдә уйутулған қетиқ истемал қилиш, әслидә пайдилиқ пиробийотик дориларни истемал қилиш болуп, бу арқилиқ кесәлликләргә гириптар болуш хәвипини вә антибийотиклар кәлтүрүп чиқарған ич сүрүшни азайтқили болиду.

• пишлақ

пишлақ витамин вә минерал маддиларниң сүмүрүлүшини ашуридиған бактерийәниң ролини ойнайду, йемәкликләрни һәзим қилишта муһим рол ойнайду вә ашқазанниң тарийишиниң алдини алиду.

• органик алма сиркиси

ечитилған мәһсулат болған алма сиркиси үчәйгә пайдилиқ пиробийотик дориларниң бири болуп, һәзим қилиш системисини тәңшәйду. 

пиробийотик дориларниң пайдилири ич сүрүш, қәвзийәт, йәл вә қорсақ көпүш қатарлиқларға пайдилиқ.

пиробийотик дорилар ашқазан вә һәзим қилиш системисиға мунасивәтлик мәсилиләрни һәл қилишқа йардәм бериду. үчәйдә йашайдиған пайдилиқ вә зийанлиқ бактерийәләр оттурисида тәңпуңлуқ орнитиш вә пайдилиқ бактерийәләрниң санини ашуруш һәзим қилиш ферментлирини қозғитип, ич сүрүш, қәвзийәт, йәл вә қорсақ көпүш қатарлиқ мәсилиләрниң алдини алиду. үчәйдә тәңпуңлуқ шәкиллиниши үчүн, тәркибидә пиробийотик маддилар мол болған йемәкликләр билән озуқлинишқа тоғра келиду.

пиробийотик дорилар оруқлашта муһим рол ойнайду

май һәдидин зийадә көп йемәкликләр, шекәр, қәнтлик йемәкликләр вә сап карбон су бирикмилирини истемал қилиш үчәйдики бактерийә муһитини қалаймиқанлаштуруветиду. бу һәқтә елип берилған илмий тәтқиқатларда көрситилишичә, үчәйдики пайдилиқ вә зийанлиқ бактерийәләр енергийә тәңпуңлуқиға капаләтлик қилиш вә  йағ көплүк кесилини давалашта муһим рол ойнайду. пайдилиқ бактерийәләр йемәклик йеғиниң сүмүрүлүшини тохтитип, чоң тәрәтниң аҗрилип чиқишини тезлитиду.

чоң үчәй ракиға гириптар болуш еһтималлиқини төвәнлитиду

илмий тәтқиқатларда көрситилишичә, пишшиқлап ишләнгән карбон су бирикмилирини көп истемал қилиш, қизил гөшни даим истемал қилиш вә төвән тала истемал қилиш үчәй раклириниң озуқлуқ сәвәблири болуш еһтималлиқи йуқири икән.

йәнә бир җәһәттин, пиробийотик дорилар үчәйдики бактерийә муһитини тәңшәшкә йардәм бериш билән биллә, ракни кәлтүрүп чиқиридиған җәрйанларни тохтитиш арқилиқ рактин қоғдайдикән.

сәзгүрлүкни азайтиду

пиробийотик дорилар сәзгүрлүк кесили вә һөл тәмрәткигә пайдилиқтур, аллергийәлик инкасларға қарши тәсири күчлүктур.

 пиробийотик дориларға сәл қаримаң

пиробийотик дорилардин башқа, һәзим қилғили болмайдиған карбон су бирикмилири болған пиробийотик дориларниму йемәк-ичмәк тизимликиңизгә қошуң. чүнки пиробийотик дорилар бактерийәләрниң озуқлуқ қиммити болуп, йахши бактерийәләрниң көпийишини илгири сүриду.

• (мамкап, пийаз, самсақ, күдә, бәрәңгә, татлиқ зәнҗивил қатарлиқ) йилтиз көктатлириниң,

• (сулу, буғдай қатарлиқ) данлиқ зираәтләрниң тәркибидә пиробийотик маддилар бар.

тәркибидә пиробийотик маддилар бар болған узуқлуқларни бу йемәкликләр билән бирликтә истемал қилғинимизда, уларниң саламәтликимизгә болған тәсири техиму ашиду.