бүгүн 21 – сентәбир дунйа тинчлиқ күни

ркийә авази радийоси хәвири: 21 – сентәбир гитлер рәһбәрликидики германийә полшаға уруш елан қилған күн болуп, сабиқ совет иттипақи лагеридиға әза дөләтләр вә түркийәдә «дунайа тинчлиқ күни» сүпитидә тәбриклиниду.

иккинчи дунйа урушидин кейин қайта уруш йүз беришиниң алдини елиш мәқситидә бирләшкән дөләтләр тәшкилатиниң қурулуши асасий җәһәттин нурғун урушниң партлиши вә йейилишиниң алдини елишта муһим рол ойниди. шундақтиму пат - пат районлуқ тоқунушлар вә урушлар оттуриға чиқти.

бирләшкән дөләтләр тәшкилати қурулған чағда баравәрлик пиринсипидин халий һалда 5 дөләт бирләшкән дөләтләр тәшкилати хәвпсизлик кеңишини шәкилләндүрди. буни көплигән дөләтләр  тәнқид қилған болсиму, лекин хәвпсизлик кеңишиниң 5 даимий әзаси һазирғичә вәзипә өтәп кәлмәктә.  пәләстин мәсилисидә көрүлгинидәк, бу 5 даимий әзадин бирәрси тосалғу болған һаман, ортақ қарарларниң мақуллиниши мумкин әмәс.

түркийә җумһурийити җумһур рәиси рәҗәп таййип әрдоғанниң һәмишә тәкитләп келиватқинидәк, «дунйа 5 тинму чоң» пикри йеқинқи йиллардин буйан барғансери қоллашқа еришмәктә.

бизниң бирдинбир үмидимиз, дунйа тинчлиқини қоғдашта роли наһайити зор болған бирләшкән дөләтләр тәшкилатиниң баравәрликни чиқиш нуқта қилидиған вә битәрәп мәйданида чиң туридиған сағлам бир қурулмиға игә болуши, бу арқилиқ пүткүл дунйаниң тинчлиқи үчүн хизмәт қилишидур.

21 – сентәбир дунйа тинчлиқ күни мубарәк болсун!