қан кәмлик кесилини тәбиий давалаш усуллири

(доктор мәһмәт учар)

қан кәмлик бәдәндә организм вә тоқулмиларға йетәрлик миқдарда оксиген йәткүзүш үчүн зөрүр болған сағлам қизил қан һүҗәйриси болмиған әһвал астида оттуриға чиқиду. қизил қан һүҗәйрилириниң сани азийип кәткәндә қан кәмлик келип чиқиду.

қан кәмлик кесилиниң сәвәблири төвәндикичә:

• бәдәндә йетәрлик қизил қан һүҗәйриси ишләпчиқирилалмаслиқ,

• қанаш сәвәбидин қизил қан һүҗәйрилири саниниң техиму көп азийип кетиши,

• бәдәндики қизил қан һүҗәйрилириниң нормал вақиттикидин техиму қисқа вақит ичидә бузулуши,

қан кәмлик кесилини давалаш қан кәмликниң түри, тәрәққийати вә еғир-йеникликигә қарап охшаш болмайду. давалашниң асаслиқ мәқсити қан кәмликни кәлтүрүп чиқарған кесәлликни йоқитиш. төмүр кәмлик вә йопурмақ кислатаси кәлтүрүп чиқарған қан кәмлик кесилини давалаш үчүн қизил гөш истемалини ашуруш керәк.

буниңдин башқа йәнә, дохтурниң тәвсийәсигә асасән төвәндикидәк йешил көктат вә мевә – чивиләрниму истемал қилиш керәк:

йешил көктат

йемәк - ичмәклиримизгә озуқлуқ қиммити йуқири йешил йопурмақлиқ көктатларни илавә қилишимиз керәк. бу йопурмақлиқ көктатлар паләк, йесивиләк, қара йесивиләк вә чоң йопурмақлиқ қизилча қатарлиқларни өз ичигә алиду. җүмлидин бу йопурмақлиқ көктатлар омумий сағламлиқимизни қоғдаш вә узуқлуқимизға төмүр вә витамин C илавә қилиш җәһәттин интайин муһимдур.

 тәми аччиқ- чүчүк мевә - чивә вә көктатлар

тәркибидә төмүрни сүмүрүшкә йардәм беридиған витамин C мол болғанлиқтин, тәми аччиқ- чүчүк мевә - чивә вә көктатлар қан кәмлик кесилигә гириптар болғанлар үчүн интайин муһим. тәми аччиқ- чүчүк мевә - чивә вә көктатлар апелсин, лимон, анар, өрүк, үзүм вә аччиқ апелсин қатарлиқ өсүмлүкләрни өз ичигә алиду.

пурчақ

пурчақ, қизил чечәклик көк пурчақ, йесси пурчақ, ноқут, чока пурчақ  вә көк пурчақ қатарлиқлар төмүрниң әң йахши мәнбәсидур.

аптаппәрәс уруқи

(кава уруқи вә аптаппәрәс уруқи қатарлиқ) қаттиқ постлуқ мевә - чивиләр вә уруқлири сағлам озуқлиниш толуқлимиси һесаблиниду.

бәрәңгә

бәрәңгә төмүр еһтийаҗни техиму көп қандурушқа болидиған есил узуқлуқтур.

қизилча

қан кәмлик кесилигә шипалиқ көктат болуп, тәркибидә тәбиий төмүр мол болғачқа, қандики гемоглобинниң санини ашурушқа йардәм бериду. шуңлашқа, узун муддәт истемал қилғанда, қандики оксигенниң миқдари тәдриҗий көпийиду.

қизилчани пишуруп йаки хам салат сүпитидә истемал қилишқа болиду. езип, шәрбәт йасап истемал қилишқиму болиду.

сийадан    

төмүр кәмлик үчүн пайдилиқтур. сийаданниң  тәркибидики төмүрниң миқдари йуқири болғанлиқтин, қан кәмлик кесилини давалашта толуқлима сүпитидә истемал қилишқа болиду.

паләк вә кәрәпшә

қан кәмлик адәттә қанниң айлиниши адәм бәдинидә йетәрлик миқдарда гемоглобин ишләпчиқиралмаслиқи сәвәбидин, қан тәркибидики йопурмақ кислатасиниң кәмликидин келип чиқиду. паләк вә кәрәпшәни тәртиплик һалда истемал қилиш арқилиқ бундақ теббий мәсилиләрни һәл қилғили болиду. бу йешил йопурмақлиқ көктатлар витамин B12, йопурмақ кислатаси вә башқа муһим озуқлуқ маддиларниң тәбиий мәнбәсидур. бу көктатлар күндилик узуқлуқниң бир қисмиға айландурулған тәқдирдә, наһайити қисқа вақит ичидә йахши үнүмгә еришкили болиду.

банан

бананниң тәркибидә зөрүр болған озуқлуқ маддилар, витамин C, фолик кислатаси, калий вә төмүр қатарлиқ маддилар молдур. бананни йешил һалитидә йаки пишқанда истемал қилғанда төмүр миқдарини көрүнәрлик ашурушқа болиду.

  хорма, қуруқ үзүм вә әнҗүр

қуруқ үзүм билән хорма витамин C вә төмүрниң йахши мәнбәсидур. витамин C иммунитет күчини ашурушқа йардәм бериду, бу арқилиқ бәдиниңизниң төмүрни техиму үнүмлүк сүмүрүшигә йардәм бериду. әнҗүр төмүр мәнбәси болуп, тәркибидә витамин A, магний вә йопурмақ кислатаси молдур. әтигәндә һәр һәптә кәм дегәндә үч қетим бир тутам әнҗүр, хорма вә қуруқ үзүм истемал қилғанда, гемоглобин миқдарини ашурғили болиду.

 қара күнҗүт

қара күнҗүтниң тәркибидә төмүр маддиси молдур. һалсизлиқ вә қан кәмлик кесилигә гириптар болғанларға қара күнҗүт тәвсийә қилиниду.