мәмликәтниң тинчлиқи, дунйаниң тинчлиқи

30 йиллиқ һайатини әскәр сүпитидә өткүзгән мустапа камал ататүркниң тинчлиққа интайин әһмийәт беридиғанлиқини биләмсиз?

12 йаш вақтидин башлап һәрбий һайатини башлиған, төт урушта алдинқи сәпләрдә җәң қилип, маршал дәриҗисигә йәткән мустапа кемал ататүрк  үчүн  уруш зөрүр вә һайатий күчкә игә болуши керәк иди. ататүркниң қаришичә, хәлқләрниң һайати хәтәргә учримиған тәқдирдә, уруш җинайәт һесаблинатти. у оттуриға қойған «мәмликәтниң тинчлиқи, дунйаниң тинчлиқи» шоари тасадипий ейтилип қалған сөз әмәс иди. «мәмликәтниң тинчлиқи, дунйаниң тинчлиқи» пиринсипи инсанларни сөйүш вә инсанийәтни чоңқур чүшинишни асас қилиду.

мислисиз  инсанпәрвәр зат болған ататүркниң бу сөзи түркийә җумһурийитиниң муһим пиринсипиға айланди. бу пиринсип бир тәрәптин  мәмликәт ичидә тинч , хатирҗәм вә бихәтәр йашашни؛ йәнә бир тәрәптин, дунйаниң тинчлиқи вә бихәтәрликини капаләт астиға елишни нишан қилиду. чүнки дунйаниң һәрқандақ йеридә йүз бәргүси хатирҗәмсизлик һәммигә зийан йәткүзиду. бу нуқтидин елип ейтқанда, һәрқайси дөләтләрниң башқа милләтләрниң мәсилилири алдида сүкүт қилишиға қәтий болмайду.

«мәмликәтниң тинчлиқи, дунйаниң тинчлиқи»  шоари «мәҗбур болуп қалмиғучә уруш җинайәттур» еңиниңму мәһсулидур, әлвәттә.

мустапа камал ататүрк өз дәвридә мислисиз тинчлиқ бәрпа қилған болуп, 1934-йили гиретсийә баш министири венизелос тәрипидин «нобел тинчлиқ мукапати» ға намзат көрситилгәниди.