зулмәт билән нур (йәни батил билән һәқ) баравәр болмайду

түркийә авази радийоси: фатир сүриси, 19 - 30 - айәтләр. кор адәм билән көзи сақ адәм (йәни капир билән мөмин) баравәр болмайду[19]. зулмәт билән нур (йәни батил билән һәқ) баравәр болмайду[20]. сайә билән иссиқ (йәни җәннәт билән дозах) баравәр болмайду[21]. тирикләр билән өлүкләр (йәни мөминләр билән капирлар) баравәр болмайду, шүбһисизки, аллаһ (һәқ дәвәтни) халиған кишиләргә аңлитиду. сән қәбриләрдикиләргә (йәни капирларға) аңлиталмайсән[22]. сән пәқәт бир агаһландурғучисән[23]. һәқиқәтән биз сени һәқ (дин) билән (мөминләргә) хуш хәвәр бәргүчи, (капирларға) агаһландурғучи қилип әвәттуқ, қандақла бир үммәт болмисун, униңға пәйғәмбәр кәлгән[24]. улар сени инкар қилса, улардин бурун өткән үммәтләрму (өзлириниң пәйғәмбәрлирини) инкар қилған, пәйғәмбәрлири уларға рошән мөҗизиләрни, (ибраһим әләйһиссаламға назил қилинған сәһипиләргә охшаш) сәһипиләрни, (тәврат, инҗилдәк) нурлуқ китабларни елип кәлди[25]. андин капирларни җазалидим, (уларға бәргән) азабим қандақ икән? (йәни уларға қандақ қаттиқ азаб қилдим?)[26] көрмәмсәнки, аллаһ булуттин йамғур йағдурди. униң билән түрлүк, рәңгарәң мевиләрни чиқарди, (шуниңдәк аллаһ тағларни йаратти) тағларниң ақ, қизиллири, һәр хил рәңдики йоллуқлири вә қапқарилириму бар[27]. шуниңдәк инсанларни, һайванларни, чаһарпайларниму хилмухил рәңлик қилип йаратти, аллаһниң бәндилири ичидә аллаһтин пәқәт алимларла қорқиду, аллаһ һәқиқәтән ғалибтур, (бәндилири ичидә тәвбә қилғанларни) мәғпирәт қилғучидур[28]. шүбһисизки, аллаһниң китабини тилавәт қилип туридиғанлар, намазни ада қилидиғанлар касат болмайдиған тиҗарәтни үмид қилиду, биз ризиқ қилип бәргән нәрсиләрни (аллаһниң разилиқи үчүн) йошурун вә ашкара сәрп қилидиған кишиләргә[29] аллаһ әҗирлирини толуқ бериду вә мәрһәмитидин уларға ашуруп бериду, аллаһ һәқиқәтән наһайити мәғпирәт қилғучидур, аз йахшилиққа көп саваб бәргүчидур[30].