истанбулниң «мичелин йултуз»луқ ресторанлири

түркийә авази радийоси: 100 йилдин көпрәк вақиттин буйан нәшр қилиниватқан «мичелин қолланмиси» дунйадики әң йахши ресторанларниң тизимликини турғузушни хизмәт нишани қилиду. бу йил түркийәдин 53 ресторан  бу қолланмиға киргүзүлди. буниңдин башқа, түркийәниң тунҗи «мичелин йултузи»ға еришкән ресторанлириму елан қилинди. ундақта, келәйлуқ бу қолланминиң қандақ оттуриға чиққанлиқи, йултузға еришидиғанларниң йултузлириниң қандақ таллинидиғанлиқи тоғрисидики учурларға....

* * * * *

түркийәдики ресторанларму ахири дунйаға даңлиқ  «мичелин қолланмиси»ға киргүзүлгән болди. қолланминиң истанбул категорийәсидә 53 түрк ресторани бар болуп, буларниң бәши мичелин йултузиға, 10и мәззилик, әмма әрзан тамақ билән тәминлигүчи ресторанларға берилидиған горманд бәлгисигә игә. қалған 38 и йетәкчи тәрипидин хәлқара сәвийәдә тәвсийә қилинған ресоранлардур.

мичелин қолланмисиниң тарихиға қарайдиған болсақ, тунҗи нәшри камерларниң сетилишини йуқири көтүрүш үчүн тәййарланған болуп,  1900- йили нәшир қилинған؛ униңға шопурларниң камерларни қандақ алмаштуридиғанлиқи, йатақ таллаш вә тамақ йейишкә болидиған ашханиларға даир тәвсийәләр киргүзүлгән. 1926 – йили ресторанларни йултуз бериш арқилиқ мукапатлаш қарар қилинип, аптомобил сайманлириға мунасивәтлик еланлар чиқириветилип, ресторанлар категорийәләргә айрилған. бу қолланма, 1920 – йилидин башлап һәқлиқ сетиш қарар қилинған.

мичелин қолланмиси йултуз билән тәминләштә материйалларниң сүпити, тәмләрниң маслишиши, пишуруш техникилири, ашпәзниң ашханидики характери, тамақ тизимлики вә херидарларниң зийарәтлири оттурисидики бирдәклик қатарлиқларни өлчәм қилиду.

йултузларниң саниға кәлсәк, бир йултуз өз категорийәсидики йахши ресторан؛ икки йултуз йолни өзгәртип беришқа әрзигүдәк дәриҗидики есил тамақ, үч йултуз мәхсус берип йейишкә әрзигүдәк дәриҗидики пәвқуладдә йахши ресторан дегәнләрни ипадиләйду.