бөрәк сағламлиқимизни асрашниң чарә - тәдбирлири

(доктор мәһмәт учар)

бөрәк сағламлиқимизни асрашниң чарә – тәдбирлири төвәндикичә:

• йавропа кәрәпшиси

йавропа кәрәпшисини тамақта пишурулғал һаләттә әмәс, хам истемал қилишиңиз керәк. бәдиниңизни су тәңпуңлуқи билән тәминләйдиған йавропа кәрәпшисини, һәр күни әтигәндә наштида үстигә лимон сиқип истемал қилсиңиз болиду.

• йесивиләк

йесивиләк бөрәккә еғир зийан йәткүзидиған әркин радикалларни парчилашқа йардәм бериду.

• қизил вә бинәпшә рәңлик мевиләр

бөлҗүргән, корнус, малина вә қизил ейқүзүми қатарлиқ охшимиған түрдики мевиләр бөрикиңизгә пайдилиқтур. бөрәк сағламлиқини асраш үчүн, бу мевиләрни тоңлитилған йаки қурутулған һаләттә истемал қилсиңиз болиду.

• кава уруқи

кава уруқиниң тәркибидә мол төмүр вә синик бар болуп,  бәдәнгә омега -3 тәсирини көрситиду. уни хам һаләттә истемал қилсиңиз болиду.

• белиқ

белиқниң тәркибидә омега -3 йағ кислатаси бар болуп, бәдәндики йаллуғни азайтиду, бу арқилиқ бөрәкни һәр хил кесәлликләрдин қоғдайду. белиқ йәнә йуқири сүпәтлик ақсилниң мәнбәсидур.

бөрәккә әң пайдилиқ белиқ түрлири, салмон белиқи, трут белиқи, көк чипар белиқ, селд белиқи вә туннус белиқидур. бөрәк мәсилилирини азайтиш үчүн, пишурулған белиқниң орниға, һорда пишурулған, қазанда пишурулған йаки кавап қилинған белиқларни истемал қилиш керәк.

• қизил алма

тәркибидә мол озуқлуқ таласи болғачқа, болупму бөрәкниң сүзүш иқтидариниң сағлам давамлишишиға капаләтлик қилиду.

буниңдин башқа йәнә, алма, сүйдүк йоли йуқумлинишниң алдини алиду, бу арқилиқ бөрәккә таш чүшүш хәвпини азайтишқа йардәм бериду.

• мүрдүм өрүки

адәм бәдинидики төмүрниң сүмүрүлүшигә йардәм беридиған мүрдүм өрүкиниң тәркибидә витамин A-B-C интайин молдур. бөрәк, йүрәк вә холестерин кесәлликлиригиму пайдилиқ болуп, метаболизмни тезлитиду вә оксидлинишқа қарши турғучидур.

• гүрүч

бөрәк кесәлликлиридә йоқап кәткән калорийәләрниң орнини толдуруш, кесәллик җәрйанини йахшилаш вә турмуш сүпитини өстүрүш җәһәттә интайин муһимдур.

• кава

кавини ушшақ тоғрап, салат тәййарлаш арқилиқ истемал қилиш керәк.

• тухумниң еқи

тухумниң еқи, тәркибидә фосфор миқдари төвән, ақсил миқдари йуқири болуши түпәйли, бөрәк кесилигә гириптар болғанларға тәвсийә қилиниду. тухумниң еқини сериқи билән бирликтә йаки сериқисиз истемал қилсиңиз болиду.

• чаққақ от

чаққақ от чейи, сүйдүк һәйдәп, ишшиқни ғидиқлайду, һәмдә бөрәкни тәскин тапқузуп, бөрәкниң сағлам ишлишигә йардәм бериду. күнигә 1 истакан ичиш купайә.

• зәйтун йеғи

бөрәккә пайдилиқтур. сап зәйтун йеғиниң тәркибидә оксидлинишқа қарши турғучи маддилар, адәттики зәйтун йеғиға қариғанда көп болиду.

• самсақ

һәр күни ач қорсаққа 1-2 чиш хам самсақ истемал қилғанда, бәдәндики йаллуғни зор дәриҗидә азайтқили болиду. саламәтликкә болған пайдилиридин бәһримән болуш үчүн, тамиқиңизда йеңи, консерва, қийма йаки талқан самсақ ишлитип, тамиқиңизға хушпурақ вә тәм қошалайсиз.

• пийаз

бөрәкни тазилашқа йардәм беридиған күчлүк оксидлинишқа қарши турғучи маддилар билән толуп ташқандур. пийаз, бөрәккә мунасивәтлик нурғун сағламлиқ мәсилилириниң алдини алиду. пийазни хам йаки тамақта пишуруп истемал қилишқа болиду. хам пийаз бөрәктики ташни тәбиий давалашқа йардәм бериду.

• қетиқ

тәркибидә калтсий, витамин D вә пиробийотик маддилар мол йемәкликләрдин бири болған қетиқ, әң тәбиий һаләттә истемал қилғанда, бөрәкниң сағлам ишлиши вә тазилинишини қоллайду. бир қача өйдә уйутулған тәбиий қетиқни күндә бир йаки бир қанчә қетим ушшақ-чүшшәк йемәклик сүпитидә истемал қилиш керәк.

• лимон сүйи

болупму бөрәктә таш барлар үчүн, лимон сүйини сиқип ичиш, әң тәвсийә қилинидиған чарә - тәдбирләрдин биридур. йерим лимонниң сүйини сиқип, илман су йаки азрақ һәсәл билән арилаштуруп ичсиңиз болиду.

• гүлкәрәм

даим истемал қилғанда, оксидлинишқа қарши туруш вә қан уйушушниң алдини елиш хусусийити түпәйли йаллуғни қайтуриду вә холестерин сәвийәсини төвәнлитиду.

гүлкәрәмни хам истемал қилишқа, шундақла, һорда пишуруп, қайнитип, қоруп, йаки тонурда пишуруп истемал қилишқа болиду.

• сийадан мейи

һәр күни, әтигәндә вә кәчтә бир чай қошуқи сийадан мейи истемал қилсиңиз болиду.

:::

радийо аңлиғучи езиз достлар! йуқирида, доктор мәһмәт учар  тәрипидин тәййарланған «шипа булиқи» намлиқ пирограммимизниң бу һәптики бөлүмидә, «бөрәк сағламлиқимизни асрашниң чарә - тәдбирлири» һәққидә мәлумат бәрдуқ.