белиқлиқ көл

анадолуниң шәрқий җәнубидики шанлиурфа райониниң тарихиға охшашла әпсанилири биләнму даңлиқ икәнликини биләмсиз?

     һекайиси билән, мәнзириси билән, сап һаваси билән, шундақла, бинакарлиқ сәнити билән кишини мәптун қилидиған шанлиурфа, тарихи билән қандақ даңлиқ болса, әпсанилири биләнму шундақ даңлиқ бир шәһәрдур. һәммила йеридин тарихниң бир парчисини учратқиили болидиған бу шәһәрдики әң даңлиқ җайларниң бири «белиқлиқ көл» дур. шанлиурфаниң сайаһәт мәркәзлиридин бири болған «белиқлиқ көл» ниң узунлуқи 150 метир, кәңлики 30 метир, чоңқурлуқи тәхминән 5 метир келиду. қаналлар арқилиқ бир - биригә туташтурулған икки чоң көлчәктин тәшкил тапқан «белиқлиқ көл», әслидә  дәрйаға тутишиду вә шәһәрни айлиниду. андин дөләт чегралиридин һалқип, сүрийәгә қарап давам қилиду. 6-әсиргә қәдәр, бу йәрдики еқинлардин йиғилған сулар бу көлгә йиғилған. әйни вақитта йүз бәргән кәлкүн апитидә нурғун кишиләр һайатидин айрилғандин кейин, византийә императори, бу әһвалға чарә тепишлири үчүн истанбулдин нурғун инженерларни әвәткән. йүз бәргүси башқа кәлкүн апәтлиригә қарши сепил соқулған вә су йиғилишниң алдини елиш үчүн йәнә бир қанал қезилип, мәсилә һәл қилинған.

«белиқлиқ көл» ниң әпсаниләрниң темиси болған белиқлири хәлқ арисида «муқәддәс» дәп қарилиду вә бу белиқларни йәйдиғанларниң кесәл болуп қалидиғанлиқи илгири сүрүлиду. көлдә бурутлуқ карп белиқиниң бир түри бар болуп, бу  зәһәрлик болғачқа, йейиш саламәтликкә зийанлиқтур. әпсанигә асасланғанда, «үч самави динниң атиси» дәп қарилидиған ибраһим әләйһиссалам мушу йәрдә отқа ташланған؛ дәл шу чағда бир мөҗизә ишқа ешип, ибраһим әләйһиссалам чүшкән бу йәр көлгә, көйгән отунлар болса белиқларға айланған.«белиқлиқ көл» вадисида ибраһим әләйһиссалам туғулған ғарму бар. шу вәҗидин, бу район, барлиқ пәсилләрдә һәрқайси дөләтләр вә динлардин кәлгән зийарәтчиләр тәрипидин зийарәт қилинмақта.