basilika quduqi

biliwéling» namliq pirogrammimizning bügünki bölümide, «basilika quduqi» heqqide melumat bérimiz.

:::::

istanbulning simwolluq qurulmiliridin birining «basilika quduqi» ikenlikini bilemsiz?

            6-esirde wizantiye impératori birinchi jastinianus teripidin sariyi we uning etrapidiki su éhtiyajini qandurush üchün yasalghan «basilika quduqi», istanbuldiki eng chong yépiq quduq bolup, suning ichidin yuqiri örleydighan we san – sanaqsizdek körünidighan mermer tüwrükliri sewebidin, xelq arisida «oyman saray»  dep atilidighan qurulma, latin tilida «Cisterna Basilica» dep atilidu.

su saqlash sighimi 80 ming tonna kélidighan istanbul shehiridiki eng chong yépiq quduq bolghan «basilika quduqi» ning yer meydani texminen 1000 kiwadrat métir, uzunluqi 140 métir, kengliki 70 métir kélidighan ghayet zor tik töt bulungluq qurulmidur. osmanli impériyesi dewride ikki qétim rémont qilinghan bu quduq, jumhuriyet élan qilinghandin kéyinmu dawamliq rémont qilinghan. 1985-yildin 1987-yilghiche bolghan ariliqta keng dairilik rémont qilinghan.

tarixidiki eng keng dairilik rémont qilish xizmiti arqiliq yéngilinip, kéyinki esirlerge shahit bolush üchün 2022-yili 22 – iyul küni qayta échilghan «basilika quduqi» muzéyii dawamliq ziyaretchilerni kütüwalidu. eng axirqi qétimliq rémont qilishta muzéygha özige xas shekil qazandurulghan. 5-esir ustilirining maharitining namayendisi bolghan xishliri we 10 métir égizliktiki heywetlik quduqi sayahetchilerni hang - tang qalduridu. nurghunlighan xelqaraliq we yerlik méhmanlar ziyaret qilidighan «basilika quduqi», konsért we foto süret körgezmilirigimu sahibxaniliq qilmaqta.