түрк лоқуми

түрк лоқуминиң йүзләрчә йиллиқ тарихқа игә икәнликини биләмсиз?

османли империйәси дәвридики орда таамлириниң муһим тәркибий қисми болған түрк лоқуми йүзләрчә йиллиқ тарихқа игә. миладидин бурунқи 226-йилдин 652-йилғичә болған арилиқта парс империйәсидә һөкүм сүргән сасанийлар дөлити тәрипидин даим истемал қилинидиған  татлиқ «абһиса», түрк лоқуминиң келип чиқиш мәнбәси, дәп қарилиду.

анадолу җуғрапийәсидә тәхминән 15-әсирдә қайта байқалған түрк лоқуми, 17-әсирдә даң чиқириду вә һәммә издәйдиған йемәкликкә айлиниду. 18-әсирдә, сайаһәтчиләр арқилиқ йавропада тонулушқа башлайду вә йетип барғанлики һәр бир дөләттә алқишқа еришиду. тәләпниң ешишиға әгишип, 1777-йили османли империйәсидә түркүмләп ишләпчиқириш башлиниду. дәсләптә һәсәл, мевә шәрбити вә ун арилаштурулуп ишләпчиқирилған түрк лоқуми, кирахмал вә саплаштурулған шекәрниң кәшип қилиниши билән бүгүнгә қәдәр тәмдә өзгириш болиду.

түрк лоқуми, адәттә түрк қәһвәси билән бирликтә икрам қилиниду. кейинки мәзгилләрдә, чай вақтидиму шекәрниң орнида истемал қилинишқа башлиған түрк лоқуми, печинә-пирәникләр арисида муһим йемәклик сүпитидә истемал қилиниду. бүгүнки күндә, йаңақ, хасиң, йәр йаңиқи, дарчин, қизилгүл вә мевә-чивә билән бирликтә ишләпчиқирилидиған түрк лоқуми, түрк таамлириниң әң ләззәтлик әзаси сүпитидә йақтуруп истемал қилинидиған гүзәл совғатларниң бири һесаблиниду.