сөңәк сағламлиқи вә сөңәк шалаңлишишни давалашниң тәбиий усуллири

(доктор мәһмәт учар)

сөңәк шалаңлишишни давалашниң тәбиий усуллири төвәндикичә:

• самсақ: һәр күни самсақни көп истемал қилсиңиз, сөңәк шалаңлишиш вә сөңәк боғум йаллуғи хәвпини азайталайсиз.

• алма: күндә бир тал алма йейиш арқилиқ сөңәк шалаңлишишни контрол қилғили болиду. оксидлинишқа қарши турғучи маддиларниң мислисиз бирикмиси болған алма сөңәк сағламлиқиниң күчлүк мәнбәсидур.

• роземарийә: салатлириңизға бир нәччә тал роземарийә қошуп, уни тамақта тетитқу қилип ишлитишни адәткә айландурушиңиз, йаки роземарийә чейини ичип беришиңиз, сөңәңлириңизгә интайин пайдилиқтур.

• кокус мейи: кокус йеғиму сөңәк шалаңлишишқа пайдилиқ йемәкликләрниң биридур. һәр күни 1 қошуқ сап кокус йеғи истемал қилғанда, сөңәк шалаңлишишниң алдини алғили болиду.

• ананас: тәркибидә манган мол болған ананас, сөңәк шалаңлишишниң алдини елиш вә давалашта пайдилиқтур.

•  йавропа кәрәпшиси: витамин K мол, сөңәк сағламлиқи үчүн кәм болса болмайдиған озуқлуқ маддидур. тәтқиқатлар шуни испатлидики, тәркибидә витамин K йуқири йемәкликләрни йегәндә, сунуқ хәвипиңизни төвәнлитидикән.

• чөл йалпузи: мол миқдарда витамин K билән тәминләйдиған чөл йалпузи, сөңәк сағламлиқида муһим рол ойнайду. бу хил витаминниң кәмлики, сөңәк шалаңлишиш вә сунуқлар билән мунасивәтликтур.

• чөл рәйһини: чөл рәйһини мейиниң сөңәкниң йоқилишиға қарши мудапиәлиниш роли барлиқи қобул қилиниду.

чөл рәйһини мейи, сөңәк шалаңлишиш вә сөңәк маддиси бошишиш кесилини давалашта роземарийәгә қариғанда үнүми техиму йуқиридур.

• арпибәдийан: боғум вә сөңәк ағриқлириға шипадур. арпибәдийан уруқлири сөңәк ағриқлирини пәсәйтиш мәқситидә увилап ишлитилиду. арпибәдийан, һәм йаллуғ қайтуруш вә ағриқни пәсәйтиш хусусийитигә игә, һәмдә сөңәкниң йетилиши вә озуқлинишиға йардәм бериду.

• аргула: калтсий вә витамин K ни өз ичигә алған сөңәк сағламлиқи үчүн нурғунлиған асаслиқ озуқлуқ маддилар мол өсүмлүктур.

• пийаз: пийаздики гүңгүрт бирикмилири сөңәктики коллагенни күчәйтишкә тиришиду. дийәтлиригә техиму көп пийаз қошқан айалларда сөңәк зичлиқи вә йанпаш сунуш хәвипи төвәнрәк болиду.

• өрүк: сөңәкниң минерал зичлиқини йахшилаш йардәмчисидур.

• қуруқ өрүк: сөңәк массисини күчәйтиду. шу вәҗидин, күндүзи тамақ вақтидин сиртқи вақитларда қуруқ өрүк истемал қилишиңиз йахшидур. һәр күни қурутулған өрүк истемал қилғанда, сөңәк шалаңлишиш вә сунуқларниң алдини алғили болиду.

• сүт: калтсий мәнбәси болған сүт сөңәк сағламлиқини бовақ вақтидин етибарән  қоғдайду. сүтни күндилик истемал қилғанда, сөңәк шалаңлишиш хәвпини түгәткили болиду. сүтни дарчин йаки мевә сапмиси илавә қилип истемал қилишқиму болиду.

• бадам: тәркибидә көп миқдарда калтсийни өз ичигә алиду. сүт билән бадамни бирликтә истемал қилишқа болиду.

• бәдийан: тәркибидики витамин вә минерал маддилар сөңәк қурулмиси вә күчини ашуруш һәм қоғдашқа төһпә қошиду.

• қетиқ: сөңәк сағламлиқини вә һәзим қилиш системисини қоғдайду. күчлүк сөңәк үчүн һәр күни бир қача қетиқ истемал қилиш керәк.

• лимон: лимон сүйи, мол лимонлуқ салат вә  өйдә ишләнгән шекәрсиз лимон сүйи сөңәк сағламлиқиңиз үчүн шипадур.

• белиқ: тәркибидә омега - 3 мол болған белиқни истемал қилиш арқилиқ һәм йүрәк сағламлиқи һәм сөңәк сағламлиқини қоғдиғили болиду.

• паләк: мускул вә сөңәкниң шәкиллинишини қоллайдиған болғачқа, паләк сөңәк шалаңлишишниң дүшминидур.

йумғақсүт: тәркибидә төмүр, магний, калтсий вә калий мол болуп, сөңәк шалаңлишишқа қарши истемал қилиниду. 2 қошуқ йумғақсүт уруқини бир истакан суда қайнитип, совуғандин кейин ичиң.

• брокколи: брокколини наһайити аз суда қайнитип истемал қилғанда, сөңәк шалаңлишишниң алдини алғили болиду. брокколи шәрбитини ичиш вә көкини йейиш тәвсийә қилиниду.

• зиғир: болупму һәйз кесилиш дәвридики айалларниң зиғир истемал қилиши тәкитлиниду. тамақлириңизға зиғир мейи қошсиңиз болиду.

• қириқбоғум: әң дәсләп сөңәк шалаңлишиш кесилигә гириптар болғанлар күндүзи бир истакан қириқбоғум чейи ичиши керәк.  бир литир суға бир қошуқ қириқбоғум илавә қилғандин кейин, 5 минут қайнитиң. 20 минут совутқандин кейин, бир истакан ичиң. бу арилашмини даим истемал қилинғанда, сөңәк үчүн пайдиси наһайити  көптур.