имтиһан бесимиға шипалиқ өсүмлүкләр арқилиқ тақабил туруш чарә - тәдбирлири

(мәһмәт учар)

имтиһан бесимиға шипалиқ өсүмлүкләр арқилиқ тақабил туруш чарә – тәдбирлири төвәндикичә:

имтиһан мәзгилидә садир қилинидиған әң чоң хаталиқлардин бири шуки, һәддидин зийадә қәһвә вә кислаталиқ ичимликләрни ичиш болуп, бу, йүрәк санҗиқи, биарамлиқ, уйқусизлиқ, қорқуш вә тәшвишлинишни кәлтүрүп чиқириду. бу ичимликләрниң орниға тәркибидә витамин C мол болған гүлсурух, бәлизгүл, чөл йалпузи, қизил ейқүзүми қатарлиқ өсүмлүк характеридики чайлар истемал қилиниши керәк. чүнки бу чайлар бесимни азайтиш җәһәттә һәм техиму шипалиқ һәм техиму пайдилиқтур. буниңдин башқа йәнә,  у сизниң зеһниңизни техиму узун йиғишиңизға йардәм бериду.

имтиһан җәрйанида қуруқ мевиләрдин (қурутулған өрүк, қуруқ үзүм, қуруқ әнҗүр қатарлиқлардин) пайдилиниш йахшидур.

имтиһан  һарписида, әтигәндә вә имтиһан мәзгилидә озуқлуқ тәвсийәлири мундақ:

• бесимни азайтиш үчүн мевә истемал қилиң. әгәр узуқлиниш адәтлиридә мевә болмиса, күнигә 3 йеңи мевә илавә қилишқа болиду. мевә тәркибидики оксидлинишқа қарши турғучи маддилар бесимни азайтиду. буниңдин башқа йәнә, тәркибидики витамин C билән иммунитет системисини күчлүк сақлайду.

• имтиһандин бир күн бурун шу вақитқичә һеч йемигән йемәкликләрни тунҗи қетим истемал қилишқа урунмаң.

• әгәр мумкин болса, сиртқа чиқип тамақ йемәң, илгири өйдә йегән, сиз йақтуридиған вә азрақ май билән пишурулған тамақларни истемал қилиң.

• имтиһандин бир күн бурун күркә тоху йаки тоху истемал қилиштин сақлиниң. чүнки тоху тәркибидики мадда ухлаш туйғусини қозғайду.

• қандики қәнтни тәңшәш вә мувәппәқийәт қазиниш нисбитини ашуруш үчүн, татлиқ - турум, шакилат, тәййар мевә шәрбити қатарлиқ узуқлуқларниң орниға, қан шекириңизни техиму аста ашуридиған мевә, кепәк нан, сүт вә сүт мәһсулатлирини таллаң.

• бир күн бурун қорсақ көпүшни кәлтүрүп чиқиридиған  майлиқ, еғир йемәкликләрниң орниға, ақсил, карбон су бирикмилири вә мейи ​​тәңпуң һаләттики йеник йемәкликләрни истемал қилиң.

• әтигәндә орниңиздин турғиниңизда, қандики қәнт миқдарини тез сүрәттә ашурувәтмәйдиған йаки төвәнлитивәтмәйдиған тәңпуң һаләттики узуқлуқлар билән нашта қилиң.

һәмишә шу күндики әң муһим тамақ болған наштилиқ йәнә имтиһан күни әтигәндә интайин муһим орунда туриду. тухум, бирқанчә тилим буғдай нени, кепәк нан, зәйтун, пишлақ, күнҗүт мәлһими, пәмидур, тәрхәмәк, қаримуч, йавропа кәрәпшиси, сулу йармиси, данлиқ зираәтләр, қуруқ мевиләр, орман йаңиқи, йаңақ, бадам, сүт йаки мевә шәрбәтлири қатарлиқлардин тәркиб тапқан йемәкликләрни таллап нашта қилғанда, имтиһанниң мувәппәқийәтлик болушиға капаләтлик қилғили болиду.

• имтиһанға кириштин бурун қәнтлик йемәкликләрни истемал қилмаң. қан қәнтиңизниң төвәнләп кетишиниң алдини елиш үчүн, кичик кепәклик сандвич, кепәклик печинә, оралған сүт, су қатарлиқ узуқлуқларни истемал қилиң.

• зеһни күчни ашуридиған белиқни көп истемал қилишиңиз керәк. һәптидә кәм дегәндә 2 күн белиқ йейишиңиз лазим. белиқ диққитини йиғиш  иқтидарини ашуриду. әгәр бир һәптә ичидә пишурулған белиқлар кәчлик тамақта истемал қилинса, диққитини йиғиш  иқтидарини ашурушқа пайдиси бар. тәркибидә омега - 3 болғачқа, чоң меңиниң иқтидарини йахшилайду.

тәтқиқатлар шуни испатлидики, бу үнүм даимлиқ истемал қилиш арқилиқ әмәлгә ашиду, гәрчә вақит аз болсиму, ахирқи һәптә белиқ истемал қилиш пайдилиқтур. әгәр белиқтин башқа витамин C болған йешил салат, йәни йешил йемәкликләр истемал қилинса, күндилик витамин еһтийаҗиму қандурулиду.

• диққитини йиғиш  иқтидарини ашуридиған, зеһин вә тәпәккур күчини ашуридиған төмүр мол йемәкликләрни истемал қилишиңиз керәк. дәрвәқә, төмүр меңини озуқландуриду, сигнални чоң меңигә тез йәткүзиду. бу еһтийаҗни тухум, қизил гөш, қой җигири вә шекәр қийами қатарлиқ йемәкликләрдин қандурғили болиду. төмүрниң тез сүмүрүлүши үчүн уни витамин C билән бирликтә истемал қилиш пайдилиқтур.

• витамин B бесим вә меңиниң чарчишиниң алдини алиду. нан, пурчақ түридики йемәкликләр вә данлиқ зираәтләр қатарлиқ йемәкликләрдин витамин B алғили болиду.

• өсүмлүк майлири вә йағлиқ данлардин витамин E алғили болиду.

• хушаллиқ һормуни аҗритип чиқиридиған вә арам тапқузидиған йемәкликләрни истемал қилиң. мәсилән сүт, ананас, қетиқ дегәндәк.

• имтиһан җәрйанида уссузлуқни кәлтүрүп чиқиридиған майлиқ вә тузлуқ йемәкликләрдин йирақ туруш керәк. су, йеңи сиқилған мевә шәрбитини истемал қилғанда, һәм суйуқлуқ еһтийаҗини қандурғили, һәмдә диққини йиғиш иқтидарини ашурғили болидиғанлиқини унтуп қалмаслиқ керәк.

• әгәр қәвзийәт ағриқи болмиса, имтиһан беридиған кишиниң һәр күни 1 банан йейишигә капаләтлик қилиң. чүнки банан һәм хушаллиқ һормуниниң аҗрилип чиқишини қозғайду, һәмдә калийниң мол мәнбәсидур. җүмлидин, сиз бу арқилиқ диққәт чечилишниңму алдини алалайсиз.

• йахши ухлаш үчүн:

500 миллилетир иссиқ суда 1 халта бәлизгүл, 1 халта мелисса, 1 халта дарчин, қәләмпур чайлирини арилаштуруң. буниңдин, имтиһан беридиған намзатимизға ухлаштин 1-2 саәт бурун 1 истакан ичүрүң. бу чай арилашмиси һәм раһәт уйқу билән тәминләйду һәмдә бесим амилини әң төвән чәккә чүшүриду.