османли империйәси сарай музикилири академийәси

әнгилийәниң пайтәхти лондонда қурулған османли империйәси сарай музикилири академийәси оркестирини биләмсиз?

лондон османли империйәси сарай музикилири академийәси оркестири, килассик музикилар композитори, дирижор вә музикашунас әмрә араҗи  тәрипидин қурулған. единбург университети музика факултетини пүттүргән вә шу университетта докторлуқ унваниға еришкән әмрә араҗи, сәнәт, қәдимки бинакарлиқ, әдәбийат, тарих вә дипломатийәгә болған қизиқишидин пайдилинип, өзигә хас музика кәспи билән шуғулланмақта.

әмрә араҗи, 1997-йили түркийә баш әлчисиниң единбург консулханисидики зийарити мунасивити билән, түркийәгә мунасивәтлик консерт пирограммиси тәййарлайду. консертта 19-әсирдики османли империйәси сарийидики бәзи маршлар вә уссуллар тунҗи қетим орундилиду. пирограммида султан 5 - мурад, султан абдуләзиз, донизәтти паша вә гуатәлли паша қатарлиқниң бир қисим әсәрлири орундилиду. тамашибинларға зор тәсир көрсәткән консерт алтә айдин кейин лондонда кеңәйтилгән репертор арқилиқ икки қетим тәкрарлиниду. бу консертлар кишиләрниң зор қизиқишини қозғиғанлиқи үчүн,  османли империйәси дәвридики ғәрб услубидики әсәрләр орундилидиған лондон османли империйәси сарай музикилири академийәси оркестири қурулиду. бу академийәниң паалийәтлири арисида, йавропа музика әдәбийатидики түркләргә аит башқа әсәрләрниң оттуриға чиқирилип, орундилишиғиму орун берилмәктә.

әмрә араҗи, хәлқаралиқ паалийәтлири билән, түркийә, әнгилийә, йавропа, шәрқ вә ғәрб оттурисида күчлүк музика көврүки салди.