аллергийилик бириктүргүчи пәрдә йаллуғини тәбиий давалаш усуллири

(доктор мәһмәт учар)

бүгүнки пирограммимизда, аллергийилик бириктүргүчи пәрдә йаллуғи, йәни көз сәзгүрлүк кесилини тәбиий давалаш усуллири һәққидә тохтилип өтимиз.

көз қизириш, йашаңғураш вә қичишиш арқилиқ ипадилинидиған аллергийилик бириктүргүчи пәрдә йаллуғи؛ наһайити көп учрайдиған көз кесәлликидур. аллергийилик бириктүргүчи пәрдә йаллуғида , һәр икки көз адәттә биллә тәсиргә учрайду.

• көз қичишиш вә қизириш,

• көздики көйүш сезими,

қапақ ишшиқи,

• көз йашаңғураш адәттә наһайити көп көрүлидиған аламәтләрдур.

 аллергийилик бириктүргүчи пәрдә йаллуғиниң алдини елиш тәдбирлири төвәндикичә:

• гүл чеңи күчлүк болғанда, қуйаш нури әң тик болғанда саәт 10.00 дин 17.00 гичә болған арилиқта иссиқ өтүп кетиштин сақлиниш үчүн сиртқа чиқмаслиқ,

• сиртқа чиққанда көзәйнәк, қалпақ, күнлүк ишлитиш,

• өйдә гүл чеңи бар һава тәңшигүч ишлитиш,

•гүл чеңи мәзгилидә өй вә машина деризилирини тақаш,

• химийәлик буйумлар, бойақлар вә әтирләрдин сақлиниш,

• түклүк өй һайванлиридин йирақ туруш,

• тамака чекиш вә начар муһиттин сақлиниш,

• өйдә чаң-тозан бар гиләм, палас қатарлиқ буйумларни ишләтмәслик.

көзни асраш тәдбирлири төвәндикичә:

• көзни қисмаслиқ,

• соғуқ пиреслаш؛ қичишиш вә йаллуғни азайтиш арқилиқ пайдилиқ болуши мумкин.

• сүний йаш тамчилирини көзгә соғуқ һаләттә темитиш вә

• линза ишлитишни тохтитиш.

1 -  бу тәдбирләрдин башқа йәнә

қозғатқучлардин йирақ туруш

 соғуқ пиреслаш

пакиз рәхт, дака йаки лөңгә билән йаллуғланған көзгә  соғуқ преслаш арқилиқ қичишиш вә ағриқни тез пәсәйткили болиду. буниңдин башқа йәнә, бу усул ишшиқни азайтишқиму йардәм бериду. лекин, икки көзгә бирла рәхт ишләтмәң, һәр бир көзгә охшимиған рәхт ишлитиң.

 қара чай халтиси

аллергийилик бириктүргүчи пәрдә йаллуғини давалашниң йәнә бир үнүмлүк усули, қара чай халтиси ишлитиштур. қара чайдики таннин көзни йумшитип, ағриқ вә йаллуғни азайтиду.

2 истакан қайнақ суға 5 халта чай селиң, андин чай халтилирини елиң вә пакиз қачиға қойуп совутиң. чай халтилирини көзлириңизни йумуп, көзлириңизниң үстидә 15-20 минут турғузуң. бу усулни  таки әһвалиңиз йахшиланға қәдәр күндә 3 йаки 4 қетим ишлитиң.

бәлизгүл

бәлизгүл чейи соғуқ пиреслаш йаки көз йуйуш орнида ишләткәндә қичишиш вә көз ғидиқлиништин қутулдуриду.

2 халта бәлизгүл чейини 2 истакан қайнақ суға селип, 5 минут дәмләң, андин чай халтилирини чиқирип, тоңлатқуниң мәлум йеригә қойуң. совутулған чай халтилирини көзиңизни йумғандин кейин 10 минут әтрапида турғузуң. тез сақийиш үчүн, бу усулни күндә 3 йаки 4 қетим тәкрарлаң.

буниңдин башқа йәнә, күндә 2-3 қетим тәййарланған иллиқ бәлизгүл чейи сүйи билән көзиңизни йусиңиз болиду.

әтиргүл сүйи тамчиси

сап әтиргүл сүйи тиничландуруш вә совутуш хусусийити билән көз қизиришни пәсәйтиду.

күндә 2 йаки 3 қетим сап әтиргүл сүйи билән көзиңизни йуйуң.

әтиргүл сүйигә чиланған пахтини күндә 2 йаки 3 қетим көзиңизгә 15 минуттин 20 минутқичә қойуң.

рәйһан

бир истакан қайнақ суға наһайити йахши йуйулған бир тутам рәйһан йопурмиқи селип, 10 минут дәмләң.

суни сүзүп, совушини күтүң. бу су билән көзиңизни күндә 2 йаки 3 қетим йуйуң. буниңдин башқа йәнә, қил қалдурмайдиған бир рәхтни бу суға чилаш арқилиқ иллиқ пиреслаш усулидин пайдилансиңиз болиду.

 тәрхәмәк

совутулған тәрхәмәк сәзгүрлүктин болған йаллуғ вә ғидиқлинишни пәсәйтишниң йахши чарисидур.

бир тәрхәмәкни қелин тоғрап кесиң, андин уни тоңлатқуда 10 минутқичә совутуң.

соғуқ парчиларни йепиқ көзиңиздә 10 минут таки иллиқлиқ һес қилғучә турғузуң.

бу усулни күндә бир нәччә қетим тәкрарлаң.

соғуқ сүт

пакиз пахта топчисини қайнитилғандин кейин совутулған сүт билән һөл қилиң. көзиңизни йумуп, әтрапиға сүртүң. бу усулни күндә 2 йаки 3 қетим тәкрарлаң.

буниңдин башқа йәнә, қил қалдурмайдиған бир рәхтни соғуқ сүт билән нәмдәп, йепиқ көзиңиздә 15-20 минут әтрапида турғузуң. бу усулни күндә 3 йаки 4 қетим қилалайсиз.