иммунитет күчимизни ашурушниң тәбиий чарә – тәдбирлири

(доктор мәһмәт учар)

бүгүн, иммунитет күчимизни ашурушниң тәбиий чарә – тәдбирлири һәққидә тохтилип өтимиз.

йетәрлик миқдарда вә тәңпуң һаләттә узуқлинишқа әһмийәт бериш керәк

иммунитетни күчәйтидиған озуқлуқ тәңпуң озуқлиништин башлиниду. 4 узуқлуқ гурупписидин йетәрлик миқдарда узуқлиниш керәк. булар; сүт вә сүт мәһсулатлири, гөш гурупписи, көктат-мевә гурупписи вә данлиқ зираәтләр. оксидлинишқа қарши туруш вә тала тәркиби сәвәбидин, болупму рәңгарәң, һәр хил көктат вә мевиләрниң  қиммити йүксәктур.

болупму пийаз, самсақ, йесивиләк, ачқучлуқ көктат, брокколи, анар, апелсин, персейә нәшпүти қатарлиқларни өз ичигә алған көктат - мевиләр билән узуқлиниш пирограммиңизни сәрхиллаштурушиңиз лазим. пиробийотик дориларға қетиқ, сиркә қатарлиқ ечитилған мәһсулатларни ишлитәләймиз.

ухлашқа диққәт қилиш керәк

чоңлар күнигә кәм дегәндә 7 саәт ухлиши керәк. уйқу иммунитет системиси вә бәдән сағламлиқи үчүн интайин муһим.

даимлиқ чениқиш

илмий тәтқиқатларда көрситилишчә, чениқиш иммунитет системисини актиплаштуридикән. даимлиқ чениқиш, иммунитет күчини ашуридикән.

шекәр вә сәвзә истемал қилишқа диққәт қилиш керәк

карбон су бирикмилири сүпитидә аддий, йәни шекәр вә шекәр билән йасалған йемәкликләргә еһтийаҗимиз йоқтур. чүнки бу  йемәкликләр иммунитет системисимизғиму бесим пәйда қилиду.

ақсилниң қобул қилинишини йетәрлик дәриҗидә сақлаш керәк

иммунитет системиси аҗритип чиқиридиған антитела ақсилдур. шуңа, ақсилниң қобул қилинишини йетәрлик дәриҗидә сақлишиңиз керәк. гөш, тоху, белиқ, күркә тоху, тухум, сүт мәһсулатлири, пурчақ түрлиридә ақсил бардур.

һәр һәптидә 3 вақ белиқ истемал қилиш керәк

омега - 3 йағ кислаталириму иммунитет күчимизни ашурушта муһим рол ойнайду. белиқни өз ичигә алған семизот вә йаңақларниң тәркибидиму омега - 3 йағ кислаталири бардур. белиқни кавап йаки тонур кавипи тәриқисидә, һәптидә 3 қетим истемал қилиш керәк.

зәрчивә истемал қилиш иммунитет системисини қозғитиду

бәдәнни зәһәрлик тәсирләрдин қоғдайдиған бу «сериқ мөҗизә», иммунитет системисини җанландуруп, сағлам һүҗәйриләрниң бузулушиниң алдини алиду, кесәлликләрниң сақийишини тезлитиду, оксидлинишқа қарши турғучи маддилири билән йаллуғлинишниң алдини алиду. зәрчивәни һәр күни истемал қилсиңиз болиду. бир парчә зәрчивә йилтизини бир истакан суда қайнитиң, ичигә лимон сиқиң. зәрчивәни қаримуч билән биллә чорбилириңизда тетитқу орнида ишләтсиңиз болиду.

хам майлиқ йемәкликләр узуқлиниш тәртипигә илавә қилиниши керәк

хам майлиқ йемәкликләрдин хам йаңақ, хам орман йаңиқи вә хам бадам витамин E, өсүмлүк йағ кислатаси вә һәр хил минерал маддилар җәһәттин пайдилиқтур. майниң бир түри болуш сүпити билән, болупму зәйтун йеғи, кокус йеғи, персейә нәшпүти йеғи күчлүк оксидлинишқа қарши турғучилардур.

витамин D ға диққәт қилиш керәк

аптаптин пайдилинип витамин D сәвийәңизни өстүрүң. зөрүр тепилғанда, дохтурниң мәслиһәти бойичә қошумчә материйаллириңизниму ишлитиң.

суни көп истемал қилиш керәк

суни көп истемал қилиш бәдәндики зәһәрлик маддиларни йоқитиш вә метаболизмни қозғитишта интайин муһим. бәдәндики зәһәрлик маддиларни чиқирип ташлаш, һәзим қилиш системисини пакизлаш вә кесәлликләрниң алдини елиш үчүн, күндә кәм дегәндә 10-12 истакан су ичишкә әһмийәт бериш керәк.

кефир:

тәркибидики җанлиқ пайдилиқ бактерийәләр билән һәзим қилиш системисини тәңшәйду. кефир истемал қилиш иммунитетни күчәйтиду, зукам вә соғуқ өтүп кетишниң алдини алиду. кефирни йақтурмайдиғанлар, йерим банан билән бир истакан сиркәни арилаштуруп, үстигә дарчин сепиш арқилиқ мәззилик қилалайду.

қизилмуч:

қизилмуч иммунитет күчини ашуруп, қан айлинишни тезлитиду. у йәнә оксидлинишқа қарши туруш амбири болуп, бәдәнниң қаршилиқ күчини ашуриду, йөтәлниң алдини алиду вә ағриқни пәсәйтиду. уни қетиқ билән арилаштуруп истемал қилсиңиз болиду.

ситрис мевилири:

мандарин, апелсин, лимон вә үзүм апелсин қатарлиқ ситрис мевилири, тәркибидә витамин C мол узуқлуқлардур.

қетиқ:

тәбиий қетиқ үчәйгә пайдилиқ болған нурғун пайдилиқ микро организмларни өз ичигә алиду. үчәй системисини тәңшәйдиған бу бактерийәләр, бәдән сиртидин учрайдиған зәһәрлик маддилар вә кесәллик қозғатқучилардин мудапиәлинишни күчәйтиду.

самсақ:

узун муддәт иссиқлиқниң тәсиригә учримиған хам самсақ истемал қилиш арқилиқ, униң иммунитетни қоллаш ролидин пайдилансиңиз болиду.

иммунитет күчини ашуридиған чайлар:

йешил чай

зәнҗивил чейи

чөл йалпузи чейи

иммунитетни қоллайдиған қошумчә материйаллар:

витамин C:

витамин D.

витамин B6

қара бузун

әскәртиш, имканқәдәр көктат вә мевиләрдин витамин еһтийаҗиңизни қандурушиңиз толиму муһим.