ihlara wadisi

       ottura anadolugha jaylashqan ihlara wadisining dunyadiki wadilar arisida muhim orun tutidighanliqini bilemsiz?

uzunluqi 18 kilométir, chongqurluqi otturiche 150 métir, kengliki 200 métir kélidighan ihlara wadisi, ottura anadoludiki aqsaray wilayitining chégraliri ichige jaylashqan. ichide minglarche yashash sahesi bar bolghan ihlara wadisining bashqa wadilargha oxshimaydighan teripi, qedimki dewrlerde insanlar yashap ötken dunyadiki eng chong wadidin ibaret alahidilikke ige bolushidur. bu wadini qorshap turidighan qiyaliqlarni oyush arqiliq yasalghan yüzligen chérkaw we jaylar, bu wadini dunyadiki  kültür we medeniyetning eng muhim merkezliridin birige aylandurghan.

ihlara wadisi tebiiy güzelliki bilenmu türkiyening körüshke erziydighan jayliridin biridur. tamgha oxshash tik, chongqur we tar bolghan wadining töwen teripidiki suning chétide qoyuq bir bostanliq bardur. wadi etrapida chöl – bayawangha oxshap kétidighan ösümlükler alahide közge chéliqidu. halbuki, wadining yantuluqliridin nezer tashlighanda, mol we yéshil bir tebiiy güzellik parchisi körülidu. gerche bu rayonda chong quruqluq muhiti hökümran orunda tursimu, lékin  wadining asti teripide aqdéngiz muhiti hés qilinidu.