soghuqta yérilghan qollarni tebiiy dawalash usulliri

(doktor mehmet uchar)

soghuq hawarayining yétip kélishige egiship, tére qurghaqliqi derhal otturigha chiqti. bolupmu sezgür térisi bar kishilerge nisbeten éytqanda, tére bek qurghaqlashqanda, yérilip, höl temretkini keltürüp chiqiridu. térining tüzülüshini qoghdash, dawamliq nemlikini saqlash, térini asrash üchün yéterliktur.

yérilip ketken qolliringizni tebiiy dawalash usulliri töwendikiche:

 su:

• térining nemlikini saqlash üchün, künige otturiche 2 litir su ichish kérek.

• zeytun yéghi:

zeytun yéghi térini yumshaq, yumran we nem halette saqlaydu. künde ikki qétim 5 minuttin 10 minutqiche illiq zeytun yéghi bilen qolliringizni uwulang.  zeytun yéghini ishletmeydighan eynek shéshige sélip, kün boyi bille élip yürüsh arqiliq bu usulni addiylashturalaysiz.

uxlashtin burun qolliringizgha zeytun yéghini sürsingiz bolidu. zeytun yéghini qollargha uwulap singdürüp, peley yaki paypaq kiydürsingiz, tang atqangha qeder qolliringizni yumshitidu.

• banan:

kichik bir parche bananni wilka bilen ézip, melhem qiling, andin uni qoliliringizgha sürüp, yérim saet saqlap, issiq su bilen yuyung, andin nemlendürgüchni qolliringizgha sürsingiz bolidu.

ikkinchi usul: melhem qilinghan banangha azraq hesel we zeytun yéghi ilawe qilip, arilashturung, uni qolliringizgha sürüp, 15-20 minut kütüng, andin qolliringizni soghuq su bilen yuyung.

• limon süyi:

oxshash miqdardiki limon süyi, hesel we karbonat qatarliqlarni arilashturung, bu arilashmini qolliringizgha sürüp, bir minut etrapida uwulang, andin 5 minut saqlighandin kéyin, issiq su bilen qolliringizni yuyung. bu usulni heptide bir yaki ikki qétim qollansingiz bolidu.

• aloy:

yéngi aloy yopurmiqini uzun toghrap, ichidin yélimini élip, qolliringizgha sürüp, uda birqanche minut asta-asta uwulang, andin 10-15 minut saqlap, ilman su bilen qolliringizni yuyung. bu usulni künde 1-2 qétim qollansingiz bolidu.

•  sulu yarmisi:

2 qoshuq sulu yarmisigha yérim yaki 1 hesel qoshuqi hesel we azraq su arilashturup, xémir hasil qiling, eger xalisingiz limon süyi qoshsingizmu bolidu, bu arilashmini qolliringizgha sürüp, 10 minut kütüng, andin ilman su bilen qolliringizni yuyung.

• tebiiy organik sériq may zeytun yéghining ornini basalaydu. qolliringizning üstünki qismigha sériq may  sürsingiz, yériqlarni yoqitidu, qollargha derhal yumshaqliq élip kélidu. daim qollanghanda bolsa téringizni qoghdaydu.

• qehwe qalduqining postni soyush roli bar bolup, qollarni derhal yumshitidu.

• chay derixining uchushchan méyi, tatliq badam yéghi, künjüt yéghi, kokus yéghi qatarliq térige paydiliq maylarni ishletsingiz bolidu. bolupmu soghuq hawa, oruqlash we beden éghirliqi éship kétish sewebidin téride körülidighan yériqlarda bu yaghlarning ünümi nahayiti yuqiridur.

soghuqtin qoghdaydighan we yérilip ketken qollarni asrashta qollinilidighan arilashmilar töwendikiche:

yumshatquchi melhem

• 1 qoshuq zeytun yéghi

• 1 qoshuq limon süyi

zeytun yéghi bilen limon süyini arilashturup, qolliriingizgha sürüng.

nemlik saqlash melhimi

• 1 dane qaynitilghan berengge

• 1 chimdim may chéchek (quruq)

• 1 chay qoshuqi wazélin

qaynitilghan berengge melhemge aylandurulidu, ichige wazélin ilawe qilinidu, yaxshi arilashturulghandin kéyin, quruq may chéchekni ilawe qilip, tekrar arilashturushingiz kérek. bu arilashmini qolliringizgha sürüp, uni qolyaghliq bilen orap, yérim saet saqlighandin kéyin, qolliringizni ilman suda yuyung.

yériqlarning aldini élish melhimi

• 3 qoshuq rgül süyi

• 3 hesel qoshuqi badam yéghi

• 2 hesel qoshuqi limon süyi

• 1 hesel qoshuqi alma sirkisi

barliq matériyallar bir qachida arilashturulidu, andin bu arilashma uwulash sheklide qollargha sürülidu, qollarning melhemni obdan sümürüshi üchün, qolliringizni yaltiraq qeghez  yaki  qolyaghliq bilen orisingiz, weyaki peley kiysingiz bolidu, 30 minut saqlighandin kéyin, qolliringizni ilman su bilen yuyushingiz yéterliktur.