санта клавус

санта клавус дәп аталған әзиз николасниң анталйаниң дәмрә наһийәсидә йашап өткәнликини биләмсиз?

хиристийанлар арисида йардәм вә кәмтәрликниң символи болған әзиз николас, анталйа вилайитиниң қаш наһийәсигә йеқин қәдимки шәһәр патарада туғулған, дәп қарилиду. кейинки мәзгилдә һазирқи исми дәмрәгә өзгәртилгән қәдимки мира шәһиригә берип, шу йәрдә йаш вақтида епископлуқ мақамиға йәткән. йеңи йилға қәдәм қойғанда арзу - арманларни әмәлгә ашуридиған, барлиқ байлиқини намратлар билән ортақлишишни таллиған әзиз николас, ривайәтләргә қариғанда,  болупму балилар, намратлар, сайаһәтчиләр вә деңизларниң қоғдиғучисиға айланған.

дәмрә / мирада йашайдиған кишиләр, вапатидин кейин униң хатириси үчүн бир черкав салдурған вә униң қәбрисиниң бу йәрдә мәңгү қалидиғанлиқиға ишәнгән. черкавниң тамлириға «мөҗизиләрниң әвлийаси» дәп аталған әзиз николас кәлтүргән дәп қаралған мөҗизиләр тәсвирләнгән. черкав вақитниң өтүшигә әгишип, дәмрә дәрйаси ташқин апәтлиридә йәр астиға көмүлүп кәткән болуп, 1956-йилқи археологийәлик қезип тәкшүрүш паалийәтлири нәтиҗисидә оттуриға чиқирилған. хиристийан ортодокс етиқадиға мәнсуп көп санда зийарәтчи, һәр йили, 12-айниң 6-күни, йәни униң вапат болған хатирә күни, әзиз николасни хатириләш үчүн  дәмрәгә келиду вә мурасим өткүзүлиду. бу черкав 1994-йилдин башлап музей сүпитидиму зийарәтчиләргә ечиветилгән.