боғум йаллуғи вә тәбиий давалаш усуллири

доктор мәһмәт учар  тәрипидин тәййарланған «шипа булиқи» намлиқ пирограммимизниң бу һәптики бөлүмидә, «боғум йаллуғи вә тәбиий давалаш усуллири»  һәққидә мәлумат беримиз.

:::::

боғум йаллуғи интайин көп учрайдиған бир хил кесәллик болуп, тиз вә йанпаш қатарлиқ йүк тошуш боғумлириниң қетип қелиши сәвәбидин меңиш вә пәләмпәйгә чиқип-чүшүш һәрикәтлирини қийинлаштуруветиду. боғум йаллуғини өсүмлүк билән давалаш усуллири төвәндикичә:

1 - алой

өсүмлүк билән давалашта әң көп ишлитилидиған өсүмлүкләрдин бири болған алой, боғум ағриқлирини пәсәйтишкә пайдилиқ болуп, теригә сүрүлиду.

    2 -  босвеллийә дәрихи уруқдиши

һиндистандин чеиқидиған босвеллийә дәрихи уруқдиши йаллуғ қайтурғуч болуп, нәмләндүргүч сүпитидә ишлитилиду.

   3 -  евкалипт дәрихи

евкалипт дәрихидин елинидиған мәһсулатларниң һәм еғиз һәм теригә сүрүлидиған түрлири бардур. теригә сүрүлидиған түрлири, боғум характерлик рематизм ағриқлирини давалашта ишлитилидиған болуп, ағриқ пәсәйтиш вә сулуқ ишшиқни азайтиш ролиға игә.

  4 - чинар йопурмиқи

чинар йопурмиқи териси йиртилип, чоқум обдан пишқан болуши керәк. чинар йопурмиқини ийул ейиниң ахирлири йиғиш мувапиқтур.

чинар йопурмиқи сүйини тәййарлаш усули:

икки  данәчоң чинар йопурмиқи (чоқум пишқан йопурмақ болуши керәк - йешил йаки қурутулған чинар йопурмиқи болсиму болиду) соғуқ суда йуйулуп, парчә-парчә қилип кесилиду, 1 истакан суни қайнатқандин кейин, йопурмақ илавә қилинип, 1 минут дәмлиниду.

иллиған һаман, кәчлик тамақтин бурун вә кечә ухлаштин бурун ичилиду. иккинчи қетим ичиш үчүн чоқум кәм дегәндә 3 саәт өтүши керәк. бу усулни уда 30 күн үзүлдүрмәй давамлаштуруш лазим. әмма, тунҗи һәптә һәр күни бу су ичилиду, иккинчи һәптә, икки күн ичилип, бир күн ичилмәйду, үчинчи һәптә, үч күн ичилип, бир күн ичилмәйду, төтинчи вә ахирқи һәптә, төт күн ичилип, бир күн ичилмәйду. әнә шу йосунда бир ай тамамлиниду. чинар сүйини һәр қетим йеңи тәййарлаш керәк.

бу усулни қоллиниш җәрйанида сүт вә сүт мәһсулатлирини истемал қилишқа әһмийәт берилиду, қисқа – қисқа меңип берилиду, озуқлиниш пирограммисиға әһмийәт берилиду.

йәргә чүшүп, тупиға тәгкән чинар йопурмиқини ишлитишкә болмайду, йопурмақлар шахтин йиғилиши керәк.

  5 -зәнҗивил

һәр күни даим зәнҗивил чейи ичиш арқилиқ сулуқ ишшиқни давалап сақайтқили болиду.

  6 - йешил чай

йешил чай бәдәндики иммунитет системисиниң зийадә актипчанлиқини төвәнлитиду. йешил чайни ичимлик ​​йаки таблетка шәклидә ишлитишкә болиду. йешил чайниң пайдиси боғум йаллуғи сәвәбидин көрүлгән боғум ағриқиға пайдилиқтур.

   7 – зәрчивә

зәрчивәниң актип тәркиби болған куркуминни таблетка йаки капсул шәклидә еғиздин ишлитиш арқилиқ, боғум ағриқлирини пәсәйткили болиду.

  8 - өсүмлүк йағлири:

өсүмлүк йағлирини, тиз боғумлирини өз ичигә алған боғум сөңәңлиридики пәй вә мускул қетип қелишқа қарши ишлитишкә болиду.

• бир қошуқ сийадан мейи.

• йерим истакан зәйтун йеғи.

• 2 қошуқ роземарийә мейи.

• 1 һәсәл қошуқи лимон йеғи.

• 1һәсәл қошуқи чөл рәйһини мейи; арилаштурулуп, ағриқ бар районға увилиғач сүрүлиду, андин уни  сулйав рәхт билән орап, 1-2 саәт сақлаш керәк.

 9 - етизлиқ қириқбоғуми:

боғум йаллуғини давалашта үнүмлүк өсүмлүк болған етизлиқ қириқбоғуми чейини истемал қилишму, йәнә бир хил өсүмлүк билән давалаш усулидур. буниңға охшиған дәмләп һазирлашқа болидиған өсүмлүк чайлирини һәсәл билән арилаштуруп истемал қилишқа болиду.

        10 - бәрәңгә шәрбити:

боғум йаллуғини тәбиий давалаш усуллиридин йәнә бири, бәрәңгә шәрбитини ишлитиштур. тәтқиқатларға қариғанда, бәрәңгә шәрбити, пәй вә мускул қетип қелиш нәтиҗисидә оттуриға чиқидиған ағриқларни азайтиш иқтидариға игә икән.

бәрәңгәниң постини соймай, непиз қилип тоғриғандин кейин, су қуйулған чоң қачиға ташлиниду, мушу йосунда бир кечә турғузғандин кейин, әтигәндә ач қорсаққа ичилиду.

      11 - ананас шәрбити:

йеңи сиқилған ананас боғум йаллуғиға пайдилиқ болуп, пәй вә мускул қетип қелиш  нәтиҗисидә келип чиққан ишшиқни йандуриду.

    12 - күнҗүт:

боғум йаллуғини давалашта, бир истакан күнҗүт бир истакан суға селиниду вә бу су әтигәндә ач қорсаққа ичилиду. күнҗүт билән йасалған бу су боғум йаллуғи сәвәбидин келип чиққан ағриқларни тохтитиду вә пәсәйтиду.

өсүмлүк билән давалаштин сирт йәнә, бәдән еғирлиқи һәддидин зийадә артуқ болушқа қарши күрәшму наһайити муһимдур.

боғум йаллуғини давалаш җәрйанида, һәддидин зийадә артуқ бәдән еғирлиқидин қутулуш керәк. бу шәкли өзгирип кәткән боғумлар үчүн интайин муһимдур.

һәрикәт қилип бериш:

боғум йаллуғини давалашта көп һәрикәт қилип беришму муһимдур. һәр күни меңип вә чениқип беришму, теббий вә үсүмлүк билән давамлашқа илавә һалда бимарниң саламәтликиниң әслигә келишидә муһим рол ойнайду.

аришаң арқилиқ давалаш:

боғум йаллуғиға гириптар болуп қалған бимарлар үчүн әң үнүмлүк  давалаш усуллиридин биридур.

көп үрә турмаслиқ: әгәр йанпаш районида боғум йаллуғи бар болса, даим үрә турмаслиқ керәк.