ибни сина вә «китабуш-шифа»си
дидәм өзташбаши тәрипидин тәййарланған «биливелиң» намлиқ пирограммимизниң бүгүнки санида «ибни сина» дегән темидики учурларни силәр билән ортақлишимиз.
түркийә авази радийоси: инсанийәт тарихидики бирла адәм тәрипидин йезилған әң әтраплиқ әсәрниң мәшһур тебабәт алими ибни синаға аит икәнликикини аңлиғанмидиңиз?
ғәрбтә «Avicenna» дәп атилидиған ибни сина, 980- йили һазирқи өзбекистанниң бухараға йеқин афшана шәһиридә дунйаға кәлгән. бухарада атисидин вә өз дәвриниң даңлиқ алимлиридин мәхсус дәрсләрни елип алаһидә йахши йетишкән. униң адәттин ташқири әстә тутуш қабилийити вә әқил - параситиму униңға бу җәһәттә күчлүк йардәмчи болған. 14 йашқа киргәндә, оқутқучилиридин ешип кетишкә башлиған. 16 йешида тибабәтчиликкә йүзлинип, кушйар исимлик бир тивипқа шаргиртлиққа киргән. у давалаш саһәсидики учурларни өгинипла қалмай , йеңичә давалаш усуллириниму тәрәққий қилдурған. 19 йешида тивип унваниға еришип , бимарларни һәқсиз давалашқа башлиған. 21 йашқа киргәндә, өз дәвриниң әң даңлиқ тивиплириниң биригә айланған.
ибни сина тебабәт тоғрисида нурғун әсәрләрни йазған болуп, буларни ичидә, болупму йүрәк қан томур системисиға мунасивәтлик әсәрлирини диққәтни алаһидә тартиду. униң әң катта әсәрлириниң бири болған «китабуш-шифа» йәни «сағламлиқ китаби» инсанийәт тарихидики бирла киши йазған әң әтраплиқ әсәр һесаблиниду. бу әсәр логика , физика , геометирийә , астрономийә , математика , музика вә метафизика қатарлиқ пәнләргә даир өз дәвриниң барлиқ билимлирини өзигә муҗәссәм қилған бир енсиклопедийәдур.
