түркийәдики йәрлик өсүмлүк түрлири

түркийәниң йәрлик өсүмлүк түрлири җәһәттә дунйаниң әң бай районлириниң бири икәнликини аңлиғанмидиңиз?

түркийәдә 11 миң әтрапида өсүмлүк түри бар. бу өсүмлүк түрлириниң 3 миңға йеқини болса, түркийәгә хас өсүмлүкләрдур.  түркийә бу  җәһәттә йавропадикидинму көп йәрлик өсүмлүк түригә игидур.

түркийәниң бу байлиқи, тағлиқ вә оңғул – доңғул районлири билән қитәләрни өзара туташтуруп туридиған бир җуғрапийәгә орунлашқан болуши вә пәрқлиқ килиматларни өзигә муҗәссәм қилишини арқа көрүнүш қилиду.

күнимиздә түркийә наһайити көп йәрлик өсүмлүк түрини теббий вә хушбуй нәрсиләрни ишләпчиқириш мәқситидә експорт қиливатиду. буниңдин әсирләр илгириму анадолуниң мол – һусуллуқ земинлирида йетишкән наһайити көп мәһсулат дунйаға тарқалғаниди. тарихий келип чиқиши анадолуда болуп дунйаға йейилған өсүмлүкләр арисида гилас, бадам, өрүк, буғдай, ноқут, мәрҗимәк, әнҗур қатарлиқлар бар. анадолудин дунйаға тарқалған гүл – гийалар арисида лалә, кардәлән вә чигдәм қатарлиқларни тилға елип өтүш мумкин.

мәнбә: мунасивәтлик тор бәтләр