рәвани» етиш усули һәққидә

түркийә авази радийоси: татлиқ – турумлар категорийәсигә киридиған «рәвани», османли империйәси ордуси ашханисидики бәзи тамақларға охшашла унтулуп қалғини йоқ. бу таам һазирму ашханиларда вә өйләрдә етилиду вә йақтурулуп, истемал қилиниду. «рәвани» ниң оттуриға чиқиши һәққидә мундақ бир ривайәт бар. 17 – әсирдә султан 4 – мурат әрменийәниң әриван шәһирини пәтһи қилиду. османли империйәси ордуси ашханисиниң ашпәзлири бу зәпәрни тәбрикләш үчүн, шу күнгичә һеч етилип бақмиған бир таамни етиду. бу таамниң исми шу дәврдә әриванниң исми болған «рәван» кәлимисидин түрлиниду. османли империйәси ордуси ашханисидин йадикар қалған «рәвани» түркийәниң бәзи районлирида «сүнгәр татлиқи» йаки» «қетиқ татлиқи» дәпму атилиду. бүгүнки пирограммимизда, османли империйәси таамлиридин «рәвани» етиш усули һәққидә мәлумат беримиз.

османли империйәси таамлиридин «рәвани» етиш үчүн керәклик болған материйаллар төвәндикичә:

• 4 данә тухум
• бир истакан шекәр
• бир истакан қетиқ
• бир истакан йағ
• бир истакан  кепәклик ун
• икки истакан ун
• бир болақ ечитқу
• бир данә лимонниң рәндиләнгән шөпүки
• 5 истакан су
• йерим лимон сүйи
• икки қошуқ кокус йаңиқи

османли империйәси таамлиридин «рәвани» етиш усули төвәндикичә:

• алди билән, татлиқниң шәрбитини тәййарлаш үчүн؛ шекәр билән суни бир қазанға селиң, андин, төвән сәвийәдики отта тәхминән 30 минут әтрапида қайнитиң, арқидин, лимон сүйини илавә  қилип, иллиқ һалға келиши үчүн қазандин елиң.
• тухум билән шекәрни арилаштурғучниң йардими билән шекәр таки еригәнгә қәдәр арилаштуруң.
• нөвәт билән, йағни, қетиқни, йалпузни, рәндиләнгән лимонниң шөпүкини, кепәклик унни, әлгәктин өткүзүлгән унни вә ечитқуни илавә қилғандин кейин, арилаштурушни давамлаштуруң.
• дохупкини сеиқ май билән йағлаң вә хемирни қачиға төкүң.
• алдин исситилған 180 гирадуслиқ дохупкида 30 минуттәк пишуруң.
• дохупкидин чиққан иссиқ тортниң үстигә соғуған шәрбәтни төкүң. шәрбәт тортқа тамамән сиңгәндин кейин, тортни тилиң.
• үстигә рәндиләнгән кокус йаңиқини сепип, истемал қилсиңиз болиду.