«мутанҗана» етиш усули

түркийә авази радийоси: түркләр, оттура асийадин анадолуға көчкәндин  кейин анадолуда сәлчуиийлар империйәси вә османли империйәси қатарлиқ империйәләрни қурди, буниң түрткисидә охшимиған қәвмләр билән мәдәнийәт алмаштуруш пурситигә еришти. буниңға әгишип, түркләрниң йемәк – ичмәклириниң түриму көзгә көрүнәрлик дәриҗидә бейиди. бүгүнки күндиму америкидин хитайғичә, русийәдин африқиғичә дунйаниң көплигән районлирида османли империйәсигә аит ләззәтлик таамларниң излирини учритиш мумкин. гәрчә османли империйәси күнимиздә әмәлийәт җәһәттин мәвҗут болмисиму, лекин, османли империйәсигә хас таамлар дунйаниң көплигән ашханилирида һәм техникилири, һәм йемәклири, һәмдә мәдәнийити билән биргә йашимақта.  бүгүн силәргә османли империйәси дәвридин қалған таамлардин бири болған «мутанҗана» ни тонуштуримиз.    

«мутанҗана» етиш үчүн керәклик болған материйаллар төвәндикичә:

• 800 гирам пақлан гөши
• 100 гирам кичик тоғралған пийаз
• 50 гирам бадәм меғизи
• 50 гирам өрүк
• 50 гирам қуруқ әнҗур
• 50 гирам алуча қеқи
• икки қошуқ сериқ май
• икки қошуқ һәсәл
• туз
• икки истакан иссиқ су
• икки чай қошуқи мәсттики руми

«мутанҗана» етиш усули төвәндикичә:

• алди билән, йоған бир қазанда сериқ майни еритиң, андин сериқ майға гөшни илавә қилип, таки гөшниң сүйи қалмиғанға қәдәр қоруң.
• арқидин ушшақ тоғралған пийазларни илавә қилип, 2 – 3 минуттәк қоруң.
• иссиқ суни илавә қилғандин кейин, аста отта 45 минуттәк пишуруң.
• үзүм,  алуча қеқи, һәсәл, туз қатарлиқларни илавә қилип, йәнә 5 минут пишуруң.
• башқа бир қазанда қайнақ суда пишурулған бадәмни, ушшақ тоғралған әнҗурларни вә өрүкни майда қоруң.
• алди билән, майда қорулған мевә – чевиләрни гөшкә илавә қилиң,  андин, бирликтә бирқанчә минут пишуруң, арқидин истемал қилсиңиз болиду.