булғур полоси

түркийә авази радийоси: түрк ашханилирида кәм болса болмайдиған ғиза материйаллиридин бири «булғур» дур. булғур худди гүрүчкә охшаш пололарда, ача көкләрдә, чорбиларда көктатлиқ йемәкликләрдә, һәтта көфтиләрдә наһайити көп иштилитилиду. ундақта, «булғур» дегән немә? пат – пат  оттура шәрқ таамлириниң асаслиқ ғиза материйаллиридин бири болған «кускус» билән арилаштурулуп қойулидиған булғур, әслидә буғдайниң қайнитилип пишурулғандин кейин постидин айрип йарма қилинған шәклидур. буғдай данчилири алди билән қайнитилиду, андин қурутулиду, арқидин постидин айрилиду, ахирида түгмәнләрдә һәр хил чоңлуқта парчиларға айрилиду, чоң парчиларға айрилғанлири адәттә поло етиштә қоллинилиду, кичик парчиларға айрилғанлири болса, көфтә, долма вә ача көк тәййарлашта ишлитилиду.

анадолу земининиң мунбәт, һавасиниң мөтидил вә җуғрапийәлик шәрт – шараитиниң йахши болуши түпәйли, булғур қатарлиқ буғдай мәһсулатлири түрк таамлириниң асасини тәшкил қилиду, дейишкә болиду. болупму булғурдин тәййарлинидиған поло түрк мәдәнийитидә алаһидә орун тутиду. түри һәр хил болсиму анадолуниң дегүдәк һәммила йеридә етилидиған «булғур полоси» ваз кәчкили болмайдиған түрк таамлириидин бири һесаблиниду.

«булғур полоси» тәййарлаш үчүн керәклик болған материйаллар төвәндикичә:

•        1 истакан чоң қилип парчиланған булғур

•        4 истакан йағ

•        1 данә пийаз

•        2 – 3 данә йешил муч

•        8  қошуқ муч қийами

•        2 данә пәмидур

•        2 истакан қайнақ су

•        туз, қаримуч, қизилмуч, пиннә

•        2 қошуқ сериқ май

булғур полоси етиш усули мундақ:

алди билән йағни қизитиң, инчикә тоғралған пийаз билән мучларни қоруң؛ муч қийамини илавә қилип, бирқанчә минут пишурушни давамлаштуруң, арқидин пости сойуветилгән вә кичик тоғралған пәмидурларни қошуп, пәмидурлар йумшиғанға қәдәр пишуруң. бу арилиқта, булғурни 1 – 2 қетим йуйуң, сүзүң вә һазирланған пәмидур/пийазға арилаштуруң, қайнақ суни илавә қилип, отни бираз пәсәйтиң, туз билән тетитқуларни селиң, булғур сүйи қалмиғанға қәдәр пишуруң, отни өчүргәндин кейин 10 минут әтрапида дәм йегүзүң.