доктор әркин әкрәмниң «түркийә-америка мунасивәтлириниң йириклишиши»тоғрисидики анализи

америка хәзинә ишлири министирлиқиға қарашлиқ чәт әлликләрниң мал-мүлүклирини контрол қилиш ишханиси америка пирезидинти доналд трампниң йолйуруқиға бинаән, әдлийә министири абдулһәмид гүл билән ички ишлар министири сулайман сойлуниң америклиқ поп андрев бирунсонниң қолға елинишида роли барлиқини баһанә қилип, бу икки министирға ембарго қойушни қарар қилди. вашингитонниң бу қарариға әнқәрә «һечқандақ мәқсәткә пайдисиз болған бу қарарға дәрһал тегишлик җаваб қайтурулиду»дегән мәзмунда байанат бәрди.

америкиниң бу қарариға асасланғанда, бу икки министирниң америкидики мал-мүлүклири тоңлитип қойулиду вә америка пуқралириниң бу икки министир  билән сода қилиши чәклиниду.

ақсарай байанатчиси сараһ сандерс поп андрев бирунсонниң хата иш қилғанлиқини  испатлап беридиған дәлиллниң йоқлиқини, шуңа попниң түркийә һөкүмити тәрипидин җазалинишиниң тоғра әмәсликини билдүрүп байанат елан қилди.

америка муавин пирезиденти майк пенс америкилиқ поп андрев бирунсон қойуп берилгүчә ембарголарниң давамлишидиғанлиқини билдүрди.

америка мәҗлиси һәрбий вә малийә саһәлиридә түркийәгә ембарго қойуш үстидә музакирә өткүзмәктә. трамп билән муавин пирезидент пенс түркийәгә еғир ембарголар қойулидиғанлиқини билдүрмәктә.

түркийә болса поп бирунсонниң делосиниң қануний мәсилә икәнликини билдүрүп, кәйнигә чекиншниң мумкин әмәсликини, түркийәниң ембарголар сәвәбидин тиз чөкидиған дөләт әмәсликини билдүрмәктә.

икки иттипақдаш дөләт болған америка вә түркийә мунасивәтлири қандақ болуп бу сәвийәгә йәтти? америка түркийәгә қайси ембарголарни йолға қойуши мумкин? түркийә-америка мунасивәтлиридә қайси мәсилиләр сақлиниватиду? бир поп мәсилиси немә үчүн икки иттипақдаш дөләт арисда бунчивела еғир мәсилә пәйда қилиду? трамп һөкүмити немә үчүн бир попниң тутқун қилинишиға бунчилик әһмийәт бериду? америка бурун түркийәгә қандақ ембарголарни йолға қойғаниди? америкиниң ембарголири қандақ ақивәтләрни кәлтүрүп чиқириду?түркийә америкиниң ембарголириға қандақ инкас қайтуриду? түркийә әң чоң иттипақдашлиридин болған америкиниң бу позитсийәдин кейин хәлқарада иттипақдаш дөләт издәшкә йүзлинәмду? бу икки дөләтниң һазирқи бу начар мунасивитидин пайдилинидиған дөләтләр чиқамду йоқ?