трампниң йадро келишими қарари вә ақивәтлири

америка пирезиденти күтүлгинидәк 2015-йили һасил қилинған йадро келишимидин америкини чекиндүрүп чиққанлиқини уқтурди.доналд трампниң бу қарариға исраилийәдин башқа дөләтләр асасән наразилиқ билдүрди. иран доналд трампниң бу қарариниң толиму хәтәрлик ақивәтләргә сәвәб болидиғанлиқини билдүргән болса, башқа дөләтләрму трампниң қарариниң районда муқимсизлиқ пәйда қилидиғанлиқини билдүрүшти.

доналд трамп дунйа келимат келишимидин америкини чекиндүрүп чиққанға охшаш бу қетимму немә үчүн иран билән һасил қилинған йадро келишимидин америкини чекиндүрүп чиқиду? доналд трампниң бу қарари иранда болупму оттура шәрқ районида қандақ ақивәтләрни кәлтүрүп чиқириши мумкин? хәлқараниң иқтисадий ембарголириниң әксичә, оттура шәрқтә болупму сүрийәдә нопузини күчәйтиватқан иран, буниңдин  кейин қандақрақ йолни тутуши мумкин?корейә йерим арилини йадро қораллиридин тазилаш үчүн хизмәт ишлиниватқан бу күнләрдә иранниң бундақ муамиләгә учришини қандақ чүшиниш керәк? иран билән мунасивити изчил йахши болуп келиватқан хитайниң бу ишқа тутқан позитсийәси қандақ болиду?