германийәдики түркләр моһтаҗларға йардәм қилди
германийәниң көлин шәһиридә йашаватқан түркләр өйи йоқлар вә вә қийинчилиқи барларға йемәклик йардәм қилди.
түркийә авази радийоси хәвири: тарихтики көлин чоң черкавиниң әтрапи, мәркизий пойиз истансиси вә бреславер мәйдани әтрапида «өйсизләр күни» даирисидә тарқитилған дөнәр кавипи, айран вә татлиқ – турумлардин тәшкил тапқан йемәк - ичмәк оралмисини сетивалмақчи болған моһтаҗ кишиләр узунға созулған өчирәт шәкилләндүрди.
«мәрһаба&маһлзейт» йардәм җәмийитиниң қурғучиси толга өзгүл бу һәқтә елан қилған байанатида, мундақ деди: «йардәм елиш үчүн өчирәттә турғунлар ичидә тәсирлинип йиғлиғанлар болди. бир моһтаҗ киши өзиниң әң ахирқи қетим 6 ай илгири дөнәр кавипи йегәнликини вә бу тамақни бәк йақтуридиғанлиқини ейтти. биз бу йардәм паалийитини сахавәтчиләрниң қоллиши билән изчил давамлаштуримиз.»
йардәмдин тәхминән 200 дәк еһтийаҗлиқ киши бәһримән болди.
مۇناسىۋەتلىك خەۋەرلەر
москвадики түрк җамаити қурбан һейтни бирликтә тәбриклиди
русийәниң пайтәхти москвадики түрк җамаити қурбан һейтни бирликтә тәбриклиди.