һайванларни вухән вирусидин қоғдайдиған ваксина йасалди

түркийә авази радийоси хәвири: русийәниң йеза игилики вә мал дохтурлуқ мәһсулатлирини тәкшүрүш министирлиқи росселхознадзор (Rosselhoznadzor) һайванларни « Sars-Cov-2» типлиқ вухән вирусидин қоғдайдиған карнивак-ков (Carnivac-Cov) намлиқ ваксинадин дәсләпки қәдәмдә 17 миң данә ишләпчиқирилғанлиқини билдүрди.

росселхознадзорниң мәслиһәтчиси йулийа мелано (Yuliya Melano) һазирчә 3 милйон ваксина ишләпчиқириш иқтидариға игә икәнликлирини, әгәр тәләп болған тәқдирдә бу санни 5 милйонға чиқиралайдиғанлиқлирини ейтти.

у германийә, гиретсийә, полша, австирийә, қазақистан, таҗикстан, малайшийа, тайланд, җәнубий корейә, ливан, иран вә аргентинадики ширкәтләрниң мәзкур ваксинани сетивелишни халайдиғанлиқини әскәртти.

у: «тәхминән 20 ширкәт карнивак-ков ваксинасиниң тәстиқлинишини күтүватқанлиқлирини вә дөләтлирини ваксина билән тәминләш көрүшүшлиригә тәййар икәнликини билдүрди. ваксинаниң йавропа иттипақини өз ичигә алған башқа дөләтләрдә тәстиқлиниши үчүн зөрүр һөҗҗәтләр тәййарлиниватиду» деди.

карнивак-ков ваксинаси синақ җәрйанида, ит, мүшүк, түлкә вә булғунларда иммунтет пәйда қилғанлиқи испатланғандин кейин, март (2021) ейида русийәдә тәстиқланған иди.

дунйа сәһийә тәшкилати вухән вирусиниң инсанлар билән һайванлар арисида тарқилишидин әндишә қилиниватқанлиқини елан қилған иди.

росселхознадзор мәсуллири мәзкур ваксинаниң хәтәр астидики һайванларни қоғдийалайдиғанлиқини вә вирус варийантлириниң алдини алидиғанлиқиға ишинидиғанлиқлирини қәйт қилмақта.