қаһирә билән бухара 2020 - йиллиқ ислам дунйаси мәдәнийәт пайтәхти елан қилинди

түркийә авази радийоси хәвири: исламий маарип, пән вә мәдәнийәт тәшкилати, туниста чақирилған 2019 – йиллиқ ислам дунйаси мәдәнийәт пайтәхти йепилиш мурасимида, қаһирә билән оттура асийа районидики бухараниң 2020 йиллиқ ислам дунйаси мәдәнийәт пайтәхти дәп бекитилгәнликини елан қилди.

йепилиш мурасимида сөз қилған исламий маарип, пән вә мәдәнийәт тәшкилати баш мудири салим бин муһәммәд әлмалик, мәзкур паалийәт арқилиқ ислам дөләтлири арисида мәдәнийәт гүллинишини қоллашни нишан қилғанлиқлирини ейтти.

тунисниңму узунға созулған исламий өтмүши вә мәдәнийәт берикмиси йүзисидин 2019 – йиллиқ мәдәнийәт пайтәхти дәп бекитилгәнликини хатирилитип өткән малик, исламий маарип, пән вә мәдәнийәт тәшкилатиниң ислам илимлири вә күлтүрини тәрәққий қилдуруш үчүн алаһидә күч чиқарған ибн хәлдунниң тунистики өйини ремонт қилидиғанлиқини әскәртти.

тунис мәдәнийәт министири муһәммәд зәйнәлабидин болса, ислам дунйасида мәдәнийәт сийасәтлириниң гүлләндүрүлүшиниң әһмийитигә ишарәт қилип өтти.