венгирийәдә кочиларда йашашни чәкләш қануни йолға қойулди
венгирийә баш министири виктор орбан һөкүмити йолға қойған қанун билән бүгүн (15-өктәбир) дин башлап кочиларни макан тутуш чәкләнди.
түркийә авази радийоси хәвири: венгирийә иҗтимаий параванлиқ министири аттила фулоп кочиларни макан тутушни чәкләш қануниниң «пүткүл җәмийәтниң мәнпәти үчүн хизмәт қилидиғанлиқи» ни илгири сүрүп, сақчиларниң бундин кейин кочида қалған өй-макансизларни вә кочилардики һәр хил кәпиләрни бир тәрәп қилиш һоқуқиға игә икәнликини билдүрди.
өктичиләр болса, сақчиларға өй-макансизларни бир тәрәп қилиш һоқуқи бәргән қанунниң «залимлиқ» икәнликини илгири сүрди.
венгирийәдә һөкүмәткә тәәллуқ панаһлиниш җайлирида тәхминән 11 миң кишиниң барлиқи билдүрүлмәктә. венгирийә миқйасида өй-макансизларниң әң аз дегәндә 20 миңға йетидиғанлиқи тәхмин қилиниду.
венгирийә һөкүмити өйсиз кишиләрниң санини түгитиш үчүн фондни көпәйткәнликини ейтқан болсиму, хәлқаралиқ тәшкилатлар вә кишилик һоқуқ тәшкилатлири йеңи қанунни әйиблиди.
б д т ниң маканлаштуруш мутәхәссиси лейлани фарһа «залимлиқ» дәп аталған қанунниң «хәлқара кишилик һоқуққа мас кәлмайдиғанлиқи» ни билдүрди. у венгирийә һөкүмитигә мәктуп әвәтип: «өй-макансиз кишиләр немә җинайәт өткүзди? уларниң йашаш үчүн тиришқанлиқиму?» деди.
مۇناسىۋەتلىك خەۋەرلەر
қурбан һейт пүтүн мәмликәт миқйасида қизғин тәбрикләнмәктә
хәлқ қурбан һейт намизи үчүн барлиқ шәһәрләрдики җамиләргә йиғилди.
