султан 2 – абдулһәмид хан көргәзмиси ечилди
«султан 2 – абдулһәмид хан дәвридин қалған тарихий излар» сәрләвһилик көргәзмә истанбулдики долмабаһчә сарийида ечилди.
түркийә авази радийоси хәвири: уда 3 ай давамлишидиған көргәзмидә султан 2 – абдулһәмид хан ишләткән 225 парчә әсәр көргәзмә қилинмақта.
көргәзмә мунасивити билән султан 2 – абдулһәмид хан дәври тонуштурулған бир һөҗҗәтлик филимму қойулди.
түркийә бүйүк милләт мәҗлиси башлиқи исмаил қаһраманму көргән һөҗҗәтлик филим қизғин алқишқа еришти.
исмаил қаһраман һөҗҗәтлик филимни чәксиз иптихарлиқ туйғуси ичидә көргәнликини әскәртиш билән бир вақитта, наһайити катта дөләт әрбаби вә данишмән султан 2 – абдулһәмид ханни йеқиндин тонуш пурситигә еришкәнликини тәкитлиди.
тарихтин аччиқ савақларни йәкүнләп, келәчәк үчүн һазирлинишниң наһайити зор әһмийәткә игә икәнликини әскәрткән қаһраман, тарихниң келәчәкни йорутуп беридиғанлиқини, кәлгүсидә хаталиқ садир қилмаслиқ үчүн өтмүштики аччиқ савақларни йәкүнләшниң зөрүрлүкини қәйт қилди.
