истанбулда фәтһуллаһчиларниң һәрбий-сийасий исйани тоғрулуқ фото-сүрәт көргәзмиси ечилди

түркийә авази радийоси хәвири: анадолу агентлиқи тәрипидин уйуштурулған«фәтһуллаһчи террорлуқ тәшкилатиниң һәрбий-сийасий өзгириш қозғашқа урунуш һәрикити»гә мунасивәтлик фото-сүрәт көргәзмиси истанбуллуқларни җәлп қилди.

анадолу агентлиқиниң фәтһуллаһчи террорлуқ тәшкилати параллел дөләт қурулмисиниң 15-ийулдики һәрбий-сийасий өзгириш қозғашқа урунуш һәрикити әснасида йүз бәргәнләргә мунасивәтлик фото-сүрәт көргәзмиси йәникапи, таксим метро истансисилиридин сирт, зинҗирликуйу метробус истансисидиму ечилди.

таксим метро истансисилиридин сирт зинҗирликуйу метробус истансисида ечилған көргәзмә 21-авғустқичә давамлишиду.

бу қетимқи көргәзмини зийарәт қилған истанбуллуқлар, түркийәдәк гүзәл бир дөләттә бундақ бир ечинишлиқ тирагедийәниң йүз беришиниң толиму әпсуслиниарлиқ иш болғанлиқини ейтип, фото-сүрәтләрниң толиму тәсирлик икәнликини билдүрүшти.

15-ийул тирагедийәсиниң иккинчиләп йүз бәрмәсликини арзу қилидиғанлиқлирини ейтишқан истанбуллуқлар, кәлгүси әвладларға парлақ келәчәк мирас қалдуруп қойушниң лазимлиқини ипадә қилишти.

истанбуллуқлар вәтән вә байрақ сөйгүсини һечкимниң хоритишқа қурби йәтмәйдиғанлиқиниму алаһидә тәкитләшти.