خەلقئارالىق ئىنسانپەرۋەرلىك ياردەم فوندى 69 دۆلەتتە ئىپتار ۋە سوھۇر چېدىرلىرىنى قۇرماقتا

تۈركىيە ئاۋازى رادىيوسى خەۋىرى: جەمئىيەت جەنۇبىي ئامېرىكا دۆلىتى ئېكۋادوردىن ئاسىيا دۆلىتى تايلاندقىچە، جەنۇبىي ئافرىقا جمھۇرىيىتىدىن بىرمىغىچە 69 دۆلەتتە ئىپتار ۋە سوھۇر چېدىرلىرىنى قۇرماقتا، چېدىرلارغا كېلەلمىگەنلەرگە ئىنسانپەرۋەرلىك ياردەم ئەشيالىرىنى تارقىتىپ بەرمەكتە. فوندىنىڭ بۇ يىلقى رامىزان ئۈچۈن ئاجراتقان مەبلىغى 70 مىليون لىراغا يېتىدۇ. بۇ مەبلەغنىڭ بىر قىسمى ئارقىلىق دۇنيانىڭ ھەرقايسى جايلىرىدىكى ئۇرۇشلار ياكى ئاپەتلەر سەۋەبىدىن ئاتا – ئانىسىدىن يېتىم قالغان بالىلارنىڭ كۆڭلىنى خۇش قىلماقتا.