بۇ يىل سرېبرېنىتسا قىرغىنچىلىقىنىڭ 19 يىللىقى

تۈركىيە ئاۋازى رادىيوسى خەۋىرى: دۇنيانىڭ ئوخشىمىغان جايلىرىدىن كەلگەن تەخمىنەن 5 مىڭ ئادەم سرېبرېنىتسادا قاچقان كىشىلەر ماڭغان «ئۆلۈم يولى» دا ئۇچراشتى. نەزۇك بازىرىدا توپلانغان مىڭلارچە ئادەم، مارش توۋلاپ يۈرۈشنى باشلىدى. ھەر يىلى يۈرۈشكە تۈركىيەدىنمۇ نۇرغۇنلىغان ئادەم قاتنىشىپ كەلمەكتە. يۈرۈشكە قاتناشقانلار ھەر كۈنى تەخمىنەن 35 كىلومېتىر يول يۈرىدۇ، كېچىلەردە بەلگىلەنگەن نۇقتىلاردا قونىدۇ.
بۇ يىلقى 10 – قېتىملىق «تىنچلىق يۈرۈشى»، 11 – ئىيۇل 175 قۇرباننىڭ مېيىت نامىزى ئوقۇلىدىغان ۋە يەرلىككە قويۇلىدىغان پوتوچارىدىكى خاتىرە سارىيىدا ئاخىرلىشىدۇ.