исраилийә әскири қуран кәримни көйдүрди
ғәззәниң җәнубиға җайлашқан рәфаһ шәһириниң шәрқидики вәйран қилинған бир мәсчиткә киргән бир исраилийә әскири, қуран кәримни йеқин әтраптики көйүватқан отқа ташлиди.
2143393
түркийә авази радийоси хәвири: исраилийә армийәсиниң гивати биригадиси қармиқидики ротем 435 баталийониниң итзак бузнаһ исимлик бир әскири, иҗтимаий таратқудики адресида өзиниң қуран кәримни отқа ташлиған көрүнүшини һәмбәһрилиди.
қачан тартилғанлиқи ениқлиналмиған көрүнүш иҗтимаий таратқуда чақмақ тезликидә тарқап күчлүк наразилиқ пәйда қилди. наразилиқлардин кейин бузнаһниң инстаграмдики архип рәсимини өчүрүп, һесабатини қулуплап қойғанлиқи ашкариланди.
исраилийәниң 2023-йили 7-өктәбирдин буйан давам қиливатқан ғәззә һуҗумлирида, кәм дегәндә 15 миң 103 нәпири бала, 9849 нәпири айаллар болуп, җәмий 35 миң 709 пәләстинлик қаза қилди, 79 миң 990 адәм йариланди.
байанатта йәнә, харабиликләрниң астида вә йол бойлирида қаза қилған кишиләрниң барлиқи, хәлқ панаһлиниватқан дохтурхана, мәктәп қатарлиқ аммиви орунларниң зәрбә обйекти қилиниватқанлиқи билдүрүлмәктә.
مۇناسىۋەتلىك خەۋەرلەر
исраилийәликләрниң һөкүмәткә қарши намайиши давам қилмақта
исраилийәликләр баш министир бенйамин нетанйаһу һөкүмитигә қарши намайиш өткүзүшни давамлаштурмақта.
