коломбийә рамаллаһта әлчихана ачидиғанлиқини җакарлиди
коломбийә пирезиденти густаво петро рамаллаһта әлчихана ечиш тоғрисида пәрман чүшүрди.
түркийә авази радийоси хәвири: коломбийә ташқи ишлар министири гилберто мурилло ахбарат елан қилиш йиғинида, рамаллаһта коломбийә әлчиханисиниң ечилиши үчүн мунасивәтлик хизмәтләрниң башланғанлиқини билдүрди.
у: «пирезидент петро рамаллаһта коломбийә әлчиханисиниң ечилиши үчүн пәрман чүшүрди. буниң үчүн хизмәтлиримизни башлаймиз» деди.
у әлчиханиниң қачан ечилидиғанлиқи тоғрисида ениқ мәлумат бәрмәстин, сөзини мундақ давамлаштурди:
«биз техиму көп дөләтләрниң пәләстинни етирап қилидиғанлиқиға ишинимиз. бу исираилийә йаки йәһудийларға қарши чиқирилған қарар әмәс. пәләстин толуқ игилик һоқуққа игә дөләт сүпитидә етирап қилиниши керәк» деди.
коломбийә 2018-йили 3-авғуст пәләстинни етирап қилған болуп, 3-май (2024) ғәззәдә пәләстин хәлқигә қилиниватқан һуҗумларни сәвән көрситип, исираилийә билән болған дипломатик мунасивәтләрни үзгән иди.
مۇناسىۋەتلىك خەۋەرلەر
исраилийәликләрниң һөкүмәткә қарши намайиши давам қилмақта
исраилийәликләр баш министир бенйамин нетанйаһу һөкүмитигә қарши намайиш өткүзүшни давамлаштурмақта.
