исраилийә иреландийә билән норвегийәдики баш әлчилирини қайтуруп келишини қарар қилди

түркийә авази радийоси хәвири: исраилийә ташқи ишлар министирлиқи йазма байанат елан қилип, исраилийә ташқи ишлар министири йисраил катзниң исраилийәниң дублин вә ослода турушлуқ баш әлчилирини бәзи мәсилиләрни кеңишиш үчүн, «дәрһал» исраилийәгә қайтишни тәләп қилғанлиқини билдүрди.

байанатта, баш әлчиләрниң иреландийә билән норвегийә пәләстин дөлитини етирап қилидиғанлиқини елан қилғанлиқи үчүн чақирилғанлиқи тәкитләнди.

исраилийә ташқи ишлар министири катз, әгәр испанийә пәләстин дөлитини етирап қилишни қарар қилса, мадридтики баш әлчиниңму қайтуруп келинидиғанлиқини ейтти.

иреландийәдин кейин, норвегийә ташқи ишлар министирлиии бүгүн байанат елан қилип, хәлқара қанун вә бирләшкән дөләтләр тәшкилати хәвпсизлик кеңишиниң мунасивәтлик қарарлириға асасән, пәләстинни  етирап қилидиғанлиқини елан қилғаниди.

испанийә баш министири педро санчезму дөлитиниң 28-май пәләстин дөлитини рәсмий етирап қилидиғанлиқини елан қилғаниди.