германийә теһранға учидиған нөвәтчи айропиланларни тохтитиш қарариниң муддитини йәнә узартти
германийә авиатсийә ширкити иранниң пайтәхти теһранға учидиған нөвәтчи айропиланларни бихәтәрлик сәвәбидин вақтинчә тохтитиш қарарини 18 - апрелғичә узартқанлиқини елан қилди.
түркийә авази радийоси хәвири: байанатта, вәзийәт анализидин кейин теһранға учидиған нөвәтчи айропиланларни вақтинчә тохтитиш қарар қилинғанлиқи билдүрүлди вә «йолучиларниң шундақла айропилан хадимлириниң бихәтәрлики һәмишә әң муһим иштур» дейилди.
байанатта, авиатсийә ширкити <Lufthansa> ниң пәқәт һөкүмәтниң баһалашлирини асас қилип, шундақ қарар чиқармиғанлиқи, әксичә нөвәттики бихәтәрлик вәзийитини бивастә анализ қилип, мустәқил қарар чиқарғанлиқи тәкитләнди.
авиатсийә ширкити <Lufthansa> 10 – апрелда теһранға учидиған нөвәтчи айропиланларни бихәтәрлик сәвәбидин 11 - апрелғичә тохтатқанлиқини елан қилған иди.
авиатсийә ширкити <Lufthansa> ниң ахбарат ишханиси тәрипидин 11 - апрелда елан қилинған байанатта, бихәтәрлик сәвәбидин теһранға учидиған нөвәтчи айропиланларни вақтинчә тохтитиш қарариниң 13 - апрелғичә узартилғанлиқи билдүрүлгән иди.