вашингтон америкадиму русийәдикигә охшаш һуҗумларниң йүз беришидин әндишә қилмақта икән

түркийә авази радийоси хәвири: америка федератсийә тәкшүрүш идариси (FBI) директори кристофир врай русийәниң пайтәхти москвада 144 адәм һайатидин айрилған қораллиқ консерт һуҗумидин кейин, америкадиму мушуниңға охшаш һуҗумларниң йүз беришидин әнсирәйдиғанлиқини билдүрди.

врай америка федератсийә тәкшүрүш идарисиниң келәр йиллиқ хамчот тәлипи тоғрисида авам палатаси комитетида гуваһлиқ бәрди.

америка федератсийә тәкшүрүш идарисиниң американи террорлуқтин қоғдаш үчүн мәбләғкә еһтийаҗи барлиқини билдүргән врай, 22-март москвада йүз бәргән «крокус шәһәрлик һөкүмәт» консерт залидики һуҗумдин кейин: «бу йәрдиму хәлқкә маслишип һуҗум қилиш еһтималлиқи күнсери әндишә пәйда қилмақта» деди.

федератсийә тәкшүрүш идариси директори врай, исраилийәниң 2023-йили 7-өктәбирдин буйан давам қиливатқан ғәззә һуҗумлириниңму америкада зораванлиқ хәвпини ашурувәткәнликини илгири сүрүп: «шуниңдин кейин, биз чәт әл террорлуқ тәшкилатлириниң америкалиқлар вә иттипақдашлиримизға һуҗум қилишқа чақирғанлиқини көрдуқ» деди.

америкаға қарши һәрикәт өткүш чақириқлириға қулақ салған шәхсләр йаки кичик гуруппиларниң оттура шәрқтики вәқәләрдин илһамлинишидин «җиддий әндишә» һес қиливатқанлиқлирини билдүргән врай, буниңдин башқа хитай, русийә, иран вә шималий корейәниң тор һуҗумлириға қарши қоллинилидиған тәдбирләргиму мәбләғ аҗритилиши керәкликини тәкитлиди.