һизбуллаһ исраилийәниң учқучисиз айропиланини етип чүшүрди
һизбуллаһ ливанниң һава тәвәликигә хилаплиқ қилған исраилийәгә тәвә һермес -450 типлиқ учқучисиз айропиланни етип чүшүргәнликини елан қилди.
2125754
түркийә авази радийоси хәвири: ливандики һизбуллаһ һәрикити тәрипидин елан қилинған байанатта, 2023 - йили 8 – өктәбирдин буйан исраилийә қисимлири билән чегра райони оттурисида йүз бәргән тоқунушларда иккинчи қетим һермис -450 типлиқ учқучисиз айропиланни етип чүшүргәнлики билдүрүлди.
байанатта мәзкур учқучисиз айропиланниң ливан земинида етип чүшүрүлгәнлики әскәртилди, әмма тәпсилий мәлумат берилмиди.
исраилийә армийәсиниң байанатида, исраилийәгә тәвә бир учқучисиз айропиланниң кечидә етип чүшүрүлгәнлики уқтурулди.
байанатта йәнә, исраилийә армийәсигә тәвә уруш айропиланлириниң ливанниң шәрқидики баалбәк шәһири әтрапидики һизбуллаһқа тәвә нишанларға һавадин һуҗум қилғанлиқи билдүрүлди.
