байдин сиси вә ал саниға мәктуп йоллап, һамасқа бесим ишлитишни тәләп қилди

түркийә авази радийоси хәвири: америка таратқулириниң исмини ашкарилимиған бир әмәлдарни мәнбә қилған хәвәрлиридә көрситилишичә, америка пирезиденти байдин йеқинда мисир пирезиденти абдулфәттаһ сиси вә қатар әмири шәйх тәмим бин һәмәд ал саниға мәхсус мәктуп йоллап, мисир билән қатарни «уруш тохтитишни тезлитиш үчүн, һамасқа бесим ишлитиш»кә чақирған.

диққәт қилишқа әрзийдиғини шуки, мәктупларниң әвәтилиш вақти мәркизи истихбарат идариси — CIA директори бил бурнсниң қаһирәдә қатар, мисир вә исраилийәниң йуқири дәриҗилик әмәлдарлири билән көрүшүп, исраилийә билән һамас оттурисидики мәһбусларни алмаштуруш мәсилисини музакирә қилидиғанлиқи һәққидә хәвәрләр елан қилинишқа башлиған пәйткә тоғра кәлди.

америка пирезиденти байдин пәйшәнбә күни исраилийә баш министири бенйамин нетанйаһу билән телефонлишип, «ғәззәдә дәрһал уруш тохтитиш үчүн, исраилийәниң қәдәм ташлиши»ни тәләп қилғаниди.

америка таратқулириниң хәвәрлиридә, америка мәркизи истихбарат идариси директори бурнсниң мушу һәптә ахирида қаһирәдә зийарәттә болидиғанлиқи билдүрүлгәниди.