кулеба: әрдоған чоң шәхс
украина ташқи ишлар министири димитро кулеба: «җумһур рәис (рәҗәп таййип) әрдоған күчлүк шәхс؛ у районимиздила әмәс, дунйадиму һөрмәткә сазавәр» деди.
2121346
түркийә авази радийоси хәвири: димтро кулеба полшаниң пайтәхти варшавада өткүзүлгән тор йиғини җәрйанида бир мухбирниң: «әгәр украина билән русийә сөһбәт үстилигә қайтип кәлсә, бу мусапә 2022-йили марттикигә охшаш истанбулда елип бериламду?» дегән соалиға җаваб берип: «һазирға қәдәр, пәқәт түркийәла русийә билән украинаниң көрүшүп сөһбәтлишишини тәшкиллийәлиди. бу иш урушниң дәсләпки басқучида ишқа ашурулди» деди.
у украинаниң 2022-йили 2-айдин буйан давамлишиватқан урушни ахирлаштурушқа йардәм беришни халайдиған һәр қандақ бир дөләтниң истикини рәт қилмиғанлиқини тәкитлиди вә сөзини давамлаштуруп: «җумһур рәис (рәҗәп таййип) әрдоған күчлүк шәхс؛ у районимиздила әмәс, бәлки дунйадиму һөрмәткә сазавәр» дегәнләрни қәйт қилди.
