исираилийә инсанпәрвәрлик йардими сақлаватқан пәләстинликләргә йәнә һуҗум қилди
исираилийә армийәсиниң ғәззәниң шималида инсанпәрвәрлик йардәмлирини сақлаватқан пәләстинликләргә қилған йеңи һуҗумида, нурғун кишиниң җенидин айрилғанлиқи вә йариланғанлиқи қәйт қилинди.
түркийә авази радийоси хәвири: ғәззәдики сәһийә министирлиқиниң байанатчиси әшрәф әлқудра йазма байанат елан қилип, исираилийә армийәсиниң ғәззәниң шималида йүз миңларчә ачарчилиқта қалған кишиләргә системилиқ ирқий қирғинчилиқ йүргүзүватқанлиқини билдүрди.
у исираилийә армийәсиниң ғәззәниң җәнубидики әл кувәйти йол еғизида, «қорқунч қәтлиам» йүргүзгәнликини, нурғун кишиниң җенидин айрилғанлиқини вә йариланғанлиқини әскәртти.
исираилийә армийәси түнүгүн (3-март) ғәззәниң оттура қисмиға җайлашқан дейрбәлахта инсанпәрвәрлик йардәмлири қачиланған йүк аптомобиллирини һуҗум нишани қилиши нәтиҗисидә, тоққуз киши җенидин айрилип, онларчә киши йариланған иди.
исираилийә армийәси 29-февралдиму ғәззәниң җәнубида инсанпәрвәрлик йардәмлирини сақлаватқан пәләстинликләрни бомбардиман қилип, 118 кишиниң җенидин айрилишиға, 760 кишиниң йарилинишиға сәвәб болған иди.
