ислам һәмкарлиқ тәшкилати ғәззә вәзийити тоғрисида җиддий йиғин чақириду

түркийә авази радийоси хәвири: ислам һәмкарлиқ тәшкилати орган тор бетидә байанат елан қилип, ташқи ишлар министирлири кеңишиниң тәшкилатқа әза дөләтләрниң иштирак қилиши билән җиддий йиғин чақирип, исраилийәниң ғәззәгә қаратқан һуҗумлирини музакирә қилидиғанлиқини уқтурди.

байанатта, ташқи ишлар министирлири кеңишиниң 5-марттики йиғинидин илгири, «ислам һәмкарлиқ тәшкилати» баш иштабида «йуқири дәриҗилик хадимларниң йиғинниң күнтәртипи вә қарар лайиһәси» үстидә баш қатуридиғанлиқи оттуриға қойулди.

ташқи ишлар министирлириниң иштирак қилиши билән җиддә шәһиридә өткүзүлидиған йиғинда, исраилийәниң ғәззә һуҗумлиридин кейинки вәзийәт, шундақла хәлқара әдлийә сотиниң исраилийәниң пәләстингә қаратқан ирқий қирғинчилиқини сотлаш мәсилисиниңму музакирә қилиниши тәхмин қилинмақта.

исраилийәниң 7-өктәбирдин буйан давам қиливатқан ғәззә һуҗумлири нәтиҗисидә, кәм дегәндә 13230 нәпири кичик бала, 8860 нәпири айал болуп, җәмий 30228 пәләстинлик қаза қилди, 71337 пәләстинлик йариланди.

харабиликләр астида миңларчә өлүк барлиқи илгири сүрүлмәктә؛ исраилийә хәлқ панаһланған дохтурхана вә маарип орунлириға һуҗум қилип, мәмурий ул әслиһәләрни вәйран қилмақта.

исраилийә армийәси вә қанунсиз көчмәнләрниң ишғалийәт астидики ғәрбий қирғақ (ийорданийә дәрйасиниң ғәрбий қирғиқи) вә шәрқий қуддуста 2023-йили 7-өктәбирдин буйан давамлаштуруватқан һуҗумлирида  413 пәләстинлик һайатидин айрилди.