байдинниң саламәтлики вә йеши иккинчи нөвәт сайлинишиға дәхли қиламду?
ақсарай пирезидент җо байдинниң күндилик саламәтлики тоғрисида доклат елан қилип, пирезидентниң вәзиписини давамлаштурушқа дәхли қилидиған һечқандақ әһвалниң йоқлуқини билдүрди.
түркийә авази радийоси хәвири: ақсарай байанатчиси карин жан пйер (Karine Jean-Pierre) пирезидент җо байдинниң дохтури тәстиқлиған вә униң әһвалиниң йахши икәнлики тоғрисидики доклатниң мәзмунини өз ичигә алған бир йазма байанат елан қилди.
билдүрүлишичә, байдинниң дохтури кевин оконнор (Kevin O'Connor) ниң 81 йашлиқ пирезидентниң йиллиқ саламәтлик тәкшүрүши тоғрисидики доклатида, униң саламәтликидә «әндишә қилидиған әһвал йоқ» дейилгән.
дохтур кевин оконнорниң доклатида қәйт қилинишичә, «пирезидент өзини наһайити йахши һес қилиду, бу йилқи саламәтлик тәкшүрүшидә кишини әнсирәткидәк һечқандақ әһвал байқалмиди. у барлиқ мәсулийитини мустәснасиз һалда нормал вә толуқ ада қилалайду. у 81 йаш болсиму сағлам, актип вә күчлүк киши. иҗраийә кеңишигә башчилиқ қилиш, пирезидентлиқ вә баш қомандан болуш қатарлиқ вәзипилирини мувәппәқийәтлик орунлийалайдиған әһвалда. уйқу әһвалиму муқим.»
пирезидент җо байдинниң саламәтлики тоғрисидики мәлуматлар, нойабир (2024) да өткүзүлидиған пирезидентлиқ сайлими вәсилиси билән униң йеши вә саламәтлик әһвали муназирә қилиниватқан вақитқа тоғра кәлди.
а б с қанили (ABC News) ниң 9-10-феврал елип барған әлрайи тәкшүрүшигә қатнашқанларниң %86 и, 81 йашлиқ байдинниң иккинчи нөвәт пирезидент болуши үчүн «бәк йашинип қалди» дәп қариған.
