песков: ғәрб украинаға әскәр йоллиса, нато-русийә оттурисида тоқунуш йүз бериши муқәррәр
русийә ғәрб дөләтлири украинаға әскәр әвәткән тәқдирдә, шималий атлантик әһди тәшкилати — нато -русийә оттурисда тоқунуш йүз беришииниң муқәррәр икәнликини елан қилди.
түркийә авази радийоси хәвири: русийә пирезидентлиқ мәһкимиси — киремил байанатчиси димитрий песков, пайтәхт москвада «фирансийә пирезиденти еммануел макронниң украинаға әскәр әвәтиш еһтималлиқиға сәл қаримаслиқ керәклики» тоғрисидики сөзлири һәққидә мухбирларға байанат бәрди.
димитрий песков бу еһтималлиқни күнтәртипкә елип киришниң муһим вә йеңи бир иш икәнликини байан қилип: «биз фирансийә президентиниң байанатиниң башқа тәрәплирини аллибурун аңлиған вә уни нәзәргә алғанидуқ. биз йәнә макронниң русийәни истратегийәлик мәғлубийәткә учритишниң зөрүрлүки тоғрисидики позитсийәсиниму обдан билимиз» деди.
у <ғәрб дөләтлири украинаға әскәр әвәткән тәқдирдә, нато билән русийә оттурисида тоқунуш йүз берәмду-йоқ?> дегән соалға: «бундақ әһвалда мумкинчиликтин әмәс, бәлки муқәррәрликтин еғиз ечишқа тоғра келиду. биз буниңға мушундақ қараймиз» дәп җаваб бәрди.
натоға әза дөләтләрниң бу хил һәрикәтләрни әстайидил муһакимә қилиши керәкликини оттуриға қойған песков: «улар өзлиридин бу ишниң өзиниң мәнпәәтигә, әң муһими өз дөлитиниң пуқралириниң мәнпәәтигә мас келидиған-кәлмәйдиғанлиқини сориши керәк» деди.
макрон түнүгүн байанат берип, икки йилдин көпрәк вақиттин буйан русийәгә қарши җәң қиливатқан украинаға әскәр әвәтиш мәсилисидә йавропа дөләтлири арисида бирдәкликниң йоқлуқини, әмма, бу еһтималлиққа сәл қарашқа болмайдиғанлиқини ейтқаниди.
