iraq birleshme qisimning chékinishni telep qildi
iraq armiyesi amérika bashchiliqida daéshqa qarshi qurulghan birleshme qisimni «muqimliqni buzghuchi amil» dep qarap,«amérika xelqaraliq qanunlargha hörmet qilmay ochuq-ashkara süyiqest heriketlirini emelge ashurdi» dep bayanat élan qildi.
türkiye awazi radiyosi xewiri: iraq armiyesi amérikaning 7-féwral (2024) kechte, iraq paytexti baghdadtiki shie qoralliq küchliri katib hizbullahni nishan qilghan uchqu hujumidin kéyin, bayanat élan qildi.
bayanatta, amérikaning iraqtiki wezipisini axirlashturush mejburiyitining «ilgiriki her qandaq waqittikidin zörür» ikenliki otturigha qoyuldi.
amérika bashchiliqida iraqtiki térrorluq teshkilati daéshqa qarshi qurulghan birleshme qisimning «muqimliqni buzghuchi amil» dep qaralghan bayanatta, «bu ehwal, muqimliqni buzghuchi amilgha aylanghan we iraqni ichki toqunushqa ittirgen birleshme qisimning wezipisini axirlashturushqa her qandaq waqittikidin bek mejbur qilmaqta. qoralliq qisimlirimiz asasiy qanundiki mesuliyiti we wezipisige sel qarimaydu» déyildi.
bu jeryanda, iraq bilen amérika otturisdiki «birleshme qisimning iraqtin chékinishi» ge munasiwetlik yighinning, ikki kündin kéyin ötküzülidighanliqi élan qilindi.
iraq tashqi ishlar ministirliqi «ikki terep aliy herbiy kéngesh ramkisida muzakirelerni dawamlashturush toghrisida kélishti» dep bayanat élan qildi.
iraq 25-yanwar (2024) térrorluq teshkilati daéshqa qarshi qurulghan birleshme qisimning wezipisini axirlashturush we birleshme qisimni qedemmu qedem azaytish üchün waqit jedwéli tüzüsh toghrisida washington bilen kélishim tüzülgenlikini élan qilghan idi.
مۇناسىۋەتلىك خەۋەرلەر
xitaydiki quyun apitide 5 xitay ölüp, 33 i yarilandi
xitayning jenubida yüz bergen quyun apiti sewebidin 5 xitay ölüp, 33 i yarilandi.
