aqsaray muxbirlar jemiyitining kechlik ziyapiti qattiq naraziliqqa uchridi
jurnalistlardin bashqa yene siyasionlar, ataqliq shexisler we amérika pirézidéntimu qatnashqan (her yili bir qétim ötküzülidighan) aqsaray muxbirlar jemiyiti kechlik ziyapitige qarita pelestinni qollighuchilar naraziliq namayishi ötküzdi.
türkiye awazi radiyosi xewiri: namayishchilar urushqa qarshi ammiwi teshkilat <CodePink> ning teshkillishi bilen pelestin bayriqini kötürüshüp, washingiton hilton méhmanxanisining aldida bir yerge jem boldi.
namayishchilar: «irqiy qirghinchi jo baydin!» we «nomus qil!» hemde «taratqular her qétim yalghan sözligende, ghezzede bir muxbir öltüriliwatidu» dep shoarlarni towlidi.
namayishchilar: «i zhurnalistlar, xizmitinglarni layiqida qilinglar we irqiy qirghinchiliq heqqide yézinglar!», «ghezzede ikkinchi dunya urushidinmu köp muxbir öltürüldi» dep yézilghan lozunkilarni achti.
bir gurup namayishchi méhmanxanining dérizisidin itayin chong pelestin bayriqini sanggilatti, yene bir guruppa namayishchi bolsa, ghezzede öltürülgen muxbirlarni xatirilesh üchün méhmanxana aldida heriketsiz yatti.
méhmanxanining udulidiki kochida ghezze we gherbiy qirghaqta öltürülgen her bir zhurnalistning ismi yézilghan qanliq axbarat jilitkiliri körsitildi.
texminen 3000 qatnashquchigha sahibxanliq qilghan ziyapette amérika pirézidénti jo baydinning nutuq sözlishi mölcherlenmekte.
